السلام عليكم وررجمة الله وبركاتهاولا :الحمد لله على كل حال وانشالله نعوضها بالمباراه الجايه
ثانيا:كثرت المواضيع بعد الخساره ان اللاعبين فاشلين وان الادراه لازم تتغير وهذي المواضيع دايم تتكرر بعد اي خساره
مشكلة اكثر جمهورنا العزيز انه معهم معهم عليهم عليهم
مشكلة الهلال الوحيده هي المدرب اما الاداره مدري وش ذنبها
يعني بداية الموسم جابو مدرب طموح وكان مسوي نتايج كويسه مع فريقه الاول بس ماتاقلم مع الهلال مع اني متاكد لو استمر راح يتحسن مستوى الهلال لاكن الادراه لبة مطالب الجمهور وراح
بعدها صار سامي وبويان او بالاصح سامي وقدم الهلال مستوى ممتاز لاكن سامي طلع الف مره وقال حاليا ماراح اكون مدرب
الادراه ماتقدر تغصب سامي على التدريب ولا تقدر تخلي النادي بدون مدرب وبالفتره اللي كان كل المدربين الجيدين ملتزمين بعقود مع انديتهم لانه كانت بمنتصف الموسم مالقوا غير الداهيه هاسك
يعني لاحد يلوم الادراه
نجي للاعبين اللي الجمهور ماخلا ولا لاعب من شره يعني وش تبي من فريق ماعنده مدرب متسنع يعني مافيه تكتيك مافيه شخصيه للهلال كل واحد يلعب على كيفه
واكثر الجمهور يقول اللاعبين بلا روح ياخي الروح مهو كل شي طيب يمكن تفيدك بمباراه او مبارتين اوما طول الموسم تبي تفوز بالروح وبدون تكتيك وبدون شي
لو الروح تفيد كان اندية العالم وفروا الملايين واستغنوا عن المدربين واعتمدوا على الروح
اللي حبيت اوصله لكم ان الادراه واللاعبين والله جيدين وعلى مستوى لاكن مشكلة الهلال ماتوفق بالمدربين بس اتمنى من الكبتن سامي الجابر انه يتشجع ويمسك الهلال لنهاية الموسم لان لو اقال هاسك وجابوا مدرب من برا النادي ماراح يتغير شي
واخيرا الجمهور اللي بس شغله ينتقد لو يحضر بالملعب يكون احسن بدال مهو بس يسب ويحطم اللاعبين واذا جت المباراه تلقاه متكي بالبيت
