يواسيني وانا الميــــت..

السلام عليكم ورحمة الله وبركاته ..

هذي القصيده عجبتني ونقلتها..
واحترت وين اوديها ..

فعشان كذا حطيتها هنا..


يواسيني وانا الميت

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه
.
.
.
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني..

منقووله.. :icon_cry:

أختي الغاليه والعزيزه / مهاجره بإحساس
الله يعطيكي الف الف عافيه على نقل هالقصيده الرائعه هنا وهذا الإبداع وبلا شك يسجل لكي
وبكل صراحه خبر محزن ومؤلم والله يكفينا شر الحوادث
أكرر شكري لكي وأتمنى أن أرى قصائدكي هنا
وتقبلي خالص تحياتي ،،،،،،،،،،،،،،
أخوكي المخلص : عبدالله محمد

صح لسان من قايل ويعيطيج العافية اخت مهاجرة وبسراحة قصيدة مؤلمة

واللة يكافينا شر هالدنيا عسى اللة يرحم جميع المسلمين

وانا للة وانا ألية راجعون



الجنـآزة

صـح لسانك ولستن شاعر القصيده


ســلمــتـي والله يـعـطيك العافيه عـلى نـقـلك الرايع



قصيده محزنه حقاََ والله يعيننا ويعينه على مفارق الغالين


تقبلي خالص تحياتي وتقديري

الله يعافيك اخوي عبدالله محمد..
وان شاء الله تشوفون ابداعاتي .. بالخواطر..
يعطيك العافيه على ردك الذووق..
تحيتي لك..
هجــــــووره.

آمين ياارب ..
يعطيك العافيه اخوي الجنآزه على مرورك العذب..
تحيتي لك.
هجـــــووره..

حياك الله اخوي مسفر..
منور القصيده بردك..
يعطيك العافيه على مرورك العطر..
تحيتي لك..
هجــــووره ..

مهاجرة بإحساس

مشكورة على النقل وصح لسان القائل

والله يعينه على المصيبه
انا لله وانا اليه راجعون

[grade="00008B FF6347 008000 4B0082"]عزيزتي مهاجره

قصيده رائعه وتبكي القلب قبل العين

الف شكر لك ولنقلتك المتميزه

دمت بود[/grade]

العفو اخوي فارس..
يعطيك العافيه على مرورك العذب..
تحيتي لك..
هجــــووره..

صدقتي والله اختي سموره..
يعطيك العافيه على مرورك العطٍر..
تحيتي لك..
هجــــووره..

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

"
"

هجــوره ..
يسلمك ربي على النقل الرائع .
وصح لسان قائلهــا ..

الله يسلمك حبيبتي العهود..
نورتي الموضوع بردك..
تسلمين على طلتك الراائعه..
هجــــووره..

:swords: تسلم يا غالي

[align=center]رحمها الله واسكنها جنات النعيم

الله ارض والدينا عنا واجعلنا قرة لأعيهم يا ارحم الراحمين

يا اخوان سارعوا في بر والديكم قبل لا يحدث ما لايحمد عقباه [/align]