اسباب خسارة الهلال واعلان عن طرد المدرب

كلنا شفنا العب كيف اليوم
وشفنا الاهلي كيف لعب اليوم نفس لعبه مع الخويا القطري
الاهلي يدافع ويعتمد على المرتدات يعني فريق كبير مثل فريق الهلال مايعرف يقرا فريق الاهلي
مدرب مخه فاصل ولاعنده اي فكر رياضي ابدا
وهذا وجهي ان فزنا على الغرافة في الرياض
واسمحولي اعلن لكم عن عدم حضوري للمدرجات الهلاليه ابدا
فريق ماعنده تكتيك ولا توظيف لاعبين ولا لعبة سريعه
الحارس حاضرته وش يسوي لمن ارتدة هجمة القول
دام عبدالله الدوسري معه ليش ماتقفل المرمى موجود الحوسني تتركه وتروح للجيزاوي !!!
اي فكر عندك ياحسن انت لاعب محترف ولاعب دولي ؟؟!!
اما هوساوي لو انا رئيس اندرلخت البلجيكي وربي ارجعه ولا اتعاقد معه
انت مدافع وفي هجمة القول صاير وسط!!اي محترف انت
والي ابي اعرفه ابن مساعد وينه او التويتر صار صومعه لك
ماتطلع ماتتكلم ماتصرح للاعلام الجماهير الهلاليه كلها غاضبة
وانت باااااارد ومتكي على التويتر
اجل ليش ماسك رئاسة الهلال
يعني اخر سنه لك وتبي تعفس الفريق
يا اخي اذا ماتبي تعطي الفريق وترفع معنوياته اطلع وخل غيرك يمسكه
واللاعبين اليوم قمة البرود والاستهتار يناولون ببطئ تعلمو من فريق الاهلي شوفو كيف يدافع وكيف يناول وكيف يتكتك بالهجمة
وين اعضاء الشرف ليش مايكلمون ابن مساعد اما انه يرجع نفس قبل او يطلع
والتشكيله الصحيحه الي مفروض يلعب به المدرب الفاشل الي ماعنده مخ

العتيبي
مرشدي هوساوي
الزوري البيشي
هرماش

الفريدي


ولهامسون الشلهوب سالم

يوسف العربي
ويكون الشوط الثاني تغير بسيط خروج سالم ونزول الكوري
اليوم الهلال لو يلعب امام الفتح قسم بالله ينهزم 3صفر
والله ارتفع ضغطنا تعبانا كل مباراة قلوبنا تخفق وتتعب من هاللاعبين والمدرب التحفه
الى متى الى متى واحنا على هالحال
شوفو لنا حل خل نسوي حملة مقاطعه للمدرجات وحملة لطرد المدرب الفاشل
لاحد يطلع ويقول رتم ومستوى نهاية الموسم
اي رتم واي مستوى لم ننافس على بطوله الا ولي العهد فقط ومبارياتها 5 مباريات
اي فريق هذا ياهلال
ماتعودنا على هالاداء
الظاهر بنصير زي غيرنا
هبوط مستوى و10 سنوات ماراح نافس على شي
على الاقل غيرنا سقط في الدوري بس هو ينافس على الاسيوية
احنا لا دوري ولاكاس الملك ولا اسيويه حتى كاس الامير فيصل للي اعمارهم تحت 23 ماخذناه
ابن مساعد تعاقد مع كم لاعب حتى يخفف الغضب الهلالي فقط لاغير
لازم يطلع ويصرح ويتكلم ويعترف بالاخطاء
موجالس على تويتر ترى موكل انسان معه انترنت في ناس مولاقية مصروف يومي
اطلع بالتلفزيون وصرح وتكلم
الاعلام سلط الضوء عليك في المواسم الي قبل والكل اشاد باحترافية الادارة
واخر سنه احنا رجعنا للخلف والفرق الاخرى تقدمت علينا
غريب امرك ياادارة
واسف على الاطاله قسم بالله من حرقة في قلبي