بطانة الرحم سميكة ؟ شنو يعني؟ وليش هالافرازات ؟ تكفون الله يجزاكم خير ردوا علي
مساء الخير
خواتي انا بنت مملجه وعرسي بعد شهررين عسى ربي يتمم لنا على خير اللهم امين
لا واكبر خواتي يعني ما اعرف شي . .!
بنات شلون الدكتوره تعرف ان بطانة الرحم سميكه؟
زين اذا سميكه شنو يعني ؟
واذا العكس شنو يعني ؟؟؟
..
لان انا احس كأن في هوا او شي مفتوح من تحت >>>هالاحساس دايم يجيني قبل الدوره بيومين ثلاث
ومتوقعة الدوره الشهرية هاليومين تنزل علي
مادري احس شي مفتوح خصوصاً لما امشي احس فتحه جذي ما اعرف اوصف بنات
يعني احس بـ هوا يمر او احس بشي مادري مفتوحه ههههه استغفر الله
بس فهمتوا الوصف؟
وغير جذي ينزل مني ماي ابيض ماله ريحه
ماي خفيف جداً في باطن الشفرتين
انا اسفه بنات اذا ماعرفت اعبّر موضوع بـطريقةافضل واسلوب افضل
ياريت منكم تجاوبون على اسألتي..
اقسم بالله احاتي كل شي ومن الحين افكر بالحمال
لان انا توني اكتشفت فيني كيس على المبيض اليمين
وحيل متضايقه .. هو مو تكيس لا لا .. كيس على المبيض كبر حجم البرتقاله !!
مع ان دورتي منتظمه الحمدلله ماشاءالله
وحالياً قاعده اكل القسط الهندي على شكل كبسولات لان الريحه والطعم لا يطاق ابداً
ف صار لي اسبوع تقريباً واحس بـ غرغرة ببطني
غرغرة تدوم بعد اكل القسط الهندي مدة ساعة
وتكرمون .. لما اروح للحمام
ماكو شي ؟
احس بغرغرة ببطني واروح الحمام علشان اخرّج > تكرمون بنات
لكن مااااااااااااااااكو شي
مو عارفه شلون احس مصدر هالغرغرة هل هي من الامعاء والا من ارحامي ؟
مو عارفة شلون اعرف بنات ؟؟
للي ماتعرف القسط الهندي>> قريت بنات واجد يمدحونه لـ اللي فيها تكيسات واكيسات وخربطه هرمونات
تكفون بنات جاوبوا على كل تساؤلاتي
اقروا موضوعي مره واثنين وثلاث .. ابي تحليلاتكم وخبراتكم
تكفوووووووووووووووووووووو وووووون اقروا الموضوع مره واثنين وثلاث
ابي اعرف شفيني
ع فكره انا لي موعد عند دكتور ثامر اعتقد اسمه جذي مصري في مستشفى الجهرا تاريخ 30-5
لاني سويت تحاليل شااااااااااااااامله كان يومها انا 21 يوم من الدوره ف قال للازم تحاليل لان هاليوم انسب يوم لتحاليل الهرمونات وكل شي
حتى قلتله انا عروس وجذي وابي اتعالج
جان يقول لي علاجج مرتبط بـ نتيجة الرنين المغناطيسي
ما ابي اعطيج مثل حبوب منع حمل وهالسوالف
يعني يبي رنين مغناطيسي
واللله يستر راح تطلع بلاويي
وامي اصلاً مو راضية تقول لا تروحين تصدميني وانسي هالموضوع نهائي
بس انا لاني وسوسة واحاتي ماسمعت كلامها ورحت بروحي
وعندي قبل عرسي بـ 11 يوم موعد رنين مغناطيسي
اقسم بالله حيل منزعجه مالي خلق افكر واحاتي والله الشاهد
:eh_s(2):
شسالفة هالغرغرة ؟
وليش مانزلت دورتي
لان الشهر اللي طاف اول مانزلت الدوره كانت في تاريخ 5/ اربعه /2012
وحنا شهر خمسه يعني متوقع المفروض نازله بس مادري تأخرت علي
وشلون اعرف ان الكيس راح ؟؟
وشنو سالفة هالافرازات البيضا اللي كأنها ماي خفيف هاليومين واجد تنزل علي؟
وليش احس كأني مفتوحه شي جذي او هوا يدخل . . >> هالاحساس يجيني قبل الدوره بيومين ثلاث ؟؟
ريحوني
اقروا موضوعي مره واثنين ثلاث
تكفون ابي ردود تقنعني
ع فكرة انا وزني 55 وطولي 162
مو متينه ودورتي الشهرية كانت تتعبني فقط في اول يوم وباقي الايام عادي
بس اول يوم دوره احس بـ ثقل بـ ارحامي
على هالكلام كله دورتي منتظمة تبارك الرحمن
والكيس اللي اكتتشفته كان صدفه بالسونار !!!!!! لان عندي هرمون الـ LH مرتفع 14 وارتفاعه بسيط
علشان جذي قالوا احتمال فيج كيس ولما سويت سونار صدق كلامهم
عمري 22 سنه
وربي يابنات فرحة الملجة ماحسيت مثل البنات
شايله هم كل شي حتى دراستي كرهتها مالي خلق ابي افتك منها
ظروفي صعبة قسماً بالله
يارب اشفيني ياااااااارب
ياريت تردون علي وتطمنوني
وجزاها الله خير اللي ترفع موضوعي :eh_s(2):
