كل 6 ايام كيلويين ( ومعاي خمول بالغده )

بسم الله الرحمن الرحيم

قبل كل شي دعواتكم لي اني اكمل الي بديته وان الله يمن علي بالشفاء والقوام الرشيق :yaaaaaarb: اجمعين يارب

من سنين وانا اعاني من سمنه مفرطه ماخليت حبوب او شراب او انظمة غذائيه ولا فيه فايده طبعا السبب خمول الغده الدرقيه الي سببت لي سمنه وكسل ونفسيه زفت سنوات طويله اعاني منها نصحوني بالصيام اثنين وخميس والدعاء والحمد لله من فضل ربي بدا وزني ينقص بس بشكل بطيء ماتتصورونه

وبعدين اتبعت نظام ( الماكروبيوتك ) يعني الغذاء المتوازن


وفكرته تعتمد على الأكل الطبيعي العضوي الخالي من الكيماويات والمركبات والهدرجه وغيره

ويكون الطبق مكون من

نص الطبق بالضبط رز كامل ( رز بني ) يعني 50 % من الطبق رز

ال 50 الثانيه مقسمه بين بقوليات وخضروات

وهاذي صورة طبقي تقريبا قفشتين او ثلاث من البقوليات والباقي خضروات



http://www.x88x.com/uploads/13363102502.jpg


الأكل يشبع وينظم حركة الأمعاء

طبعا راح تتخلين عن كل شي متعوده عليه قهوه جاي حلويات لحوم انا لأن عندي خمول بالغده لي مشروبات خاصه تنشط الغده
بس الي مافيها امراض وبس تبي تنزل وزن ختجرب وتشوف بتنزل اكثر مني اكيد
مسموح الجاي اخضر بس بالنهار الفواكه ممنوعه بس مره بالاسبوع اكلها ويا اما تفاحه او كمثرى
السمك مسموح لي مره بالاسبوع ومشوي بس لأني ماحب السمك ما دخلته بنظامي

عندي شوربه لازم اشربها مرتين باليوم

ومن الساعه 6 او 7 بالكثير ماكل شي اذا جعت اكل جزر بس

http://www.x88x.com/uploads/13363102501.jpg

هالصوره اليوم صورتها احتفال بكسر رقم ال 100 وصرت رقمين 99 :eh_s(2)::ggdw:
قمة سمنتي كان وزني وقتها 116
واليوم الحمد لله صرت رقمين مو ثلاثه :eh_s(2)::eh_s(2)::eh_s(2):
:yaaaaaarb: اللهم لك الحمد والشكر وهذا من فضل ربي دعواتكم بنات لاتحرموني منها

وبعد الي حابه تتبع نظامي اعلمها من وين جبت الاغراض كلها ونتابع بعض

تابعوني بعد 6 ايام بنزل لكم وزني

انا والله حبيت افيدكم بتجربتي واساعد اي وحده محتاسه من سنوات بوزنها ومرضها
الحمد لله والشكر على كل حال
مابي الا دعواتكم الطيبه وتشجيعكم


وترا تقدرون تسوون محاشي وحمسات وحشو والي تبونه بس انا اعتمدت المسلوق عشان اسهل واسرع ولأني بصراحه ماحب المطبخ والطباخ :eh_s(14): بس مضطره ابي استرد عافيتي واحقق حلم الرشاقه