اللي تبي تحمل متي يكون الجماع ومدة جم يوم؟؟؟

شلونكم حبوبات


سؤالي مبين من العنوان
الوحدة لابغت تحمل متي يكون الجماع ومدة جم يوم

اشوف ماشالله امهاتنا ويداتنا علي 6-7-8 يهال اييبونهم ورا بعض
واحنا واحد وبالعافية يصير
انا مؤمنة ان الله سبحانه اهو الرزاق ومثل مارزقني بنيتي من غير حول ولاقوة مني ان شاء الله بيرزقني اخوانها وخواتها وكل محرومة

بس احنا بزمن مانصبر كلشي نبيه بسرعة
وحتي سالفة الجماع ( الريال مرات يمل من سالفة الجماع كل يوم ) لان اهو رغبة ومو غصب

فسؤالي للامهات اللي الله رزقهم يهال بحمل طبيعي ورا بعض
شلون يكون الجماع وجم يوم ومتي تعرفين انج حامل

لان ماشالله في ناس تقولج انا ابي احمل هالشهر بكل ثقه والله يرزقها الحمال
وناس مثلي يعابلون بهالعلاجات وبالعافية طلعت لي وحدة
ربي يحفظها ويخليها..

انا الحمدلله ماعندي مشاكل بس احتمال هرمون الحليب مرتفع( يمكن)
او ان حملي عزيز


الله يرزقني واياكم الذرية الصالحة اللي تسعدنا في شبابنا وتدعيلنا بعد مماتنا