من خمسين الف الى 37 وتوصياتكم وش اخرها ياحلوين
بسم الله الرحمن الرحيم
ماحطيت الموضوع عشان اتباكى .. كثار متعلقين والموضوع مجرد نصيحه وفضفضه
انا انسان على قد حالي دخلت معكم قبل شهر ونص بمبلغ 50 الف ريال
حصل الانهيار وتحولت الى 37 وانا اناظر وماني عارف اتصرف
بديت اتابع الاخوان هنا بدقه واتقيد بالتوصيات .. سعر المشترى ووقف الخساره وخلافه
بديت اصرف نص الكميات الي عندي وارجع اشتري بنفس السهم
اقتنعت بربح بالسهم مايتعدى 20 الى 25 هلله
واليوم الحمدلله تحولت الـ 37 الى 42 وقريب ان شاء الله يرجع راس مالي والارباح
الزبده
الاخوان هنا ماقصرو معنا بالنصيحه ابدا لكن مشكلتنا حنا الجدد اننا مانركز ومانتقيد بالنقاط الي يذكرونها اخواننا الافاضل واولهم الكبير الغائب احمد حسن
وفي المتابعه اليوميه اخونا محمد بن فهد ولا يهونون باقي الاعضاء الخبراء جزاهم الله عنا الف خير
لازم نتقيد بالارقام الي يذكرونها ولازم نكون قنوعين ومانطمع
والاهم الواحد مايطامر من سهم لسهم
المطامر راح يخسرنا رؤوس اموالنا
ركز على اسهمك فقط .. وتابع نقاطها زين وضارب بنص كمياتك واصبر اصبر اصبر
فرص تروح علينا بسبب التسرع
منتدى كبير ورائع بااداره احترافيه واعضاء قمه في الروعه والخلق
حتى الهوشات الي تصير في المتابعه اليوميه نهايتها احلى صلح وحب وموده
من هنا اشكر الجميع فردا فردا وجزاكم الله عننا الف خير وبيض الله وجيهكم
اخوكم ضاوي
