مووضوع جديد لي بدل الى ضاع هذاك المرة كلي حلى
:mf_scotsm
مساكم الله بالخير احب انبه الاخوان الى بيقرون موضوعي انه اي شخص عنده ضغط ولا سكر ولا قلب ولا مغص ككلوى ولا صرع ولا اى مرض معدي هههههههههه لايدخل ولا يقرا لانه يمكن يموت وانا والله علمت من اولتها مو تقرون وتموتون وتقعدون تطالبوني بتعويضات ومدري وشو؟ خلاص اتفقنا؟:غمزه:
الموضوع
نقطتين ومن اول السطر
هذا الله يسلمكم مرة من المرات كنت انا واختى الى اصغر مني قاعدين بالبيت بلحالن :11azy: ا لان امي الله يحفظها راعية مسايير يعني عباتها معلقة على راسها بمسمار الفجر تسير على جارتنا وتشوف قناة الجزيرة واخبار الساعة ست وبالصبح يعني الضحوية تسير على كودو تفطر هي وخوياتها وبالقايلة تروح عند امها تسلم عليها وبالعصر يبدا المشاوير الكبيرة من بيت لبيت الين يوم يجي الليل الا وهي دايخة وراسها يناقز فوقه خمسين عصفور وجرادة :11sted_co هههههههه
عاد الله يسلمكم مرة من المرات كان مسيارها بسهرة يعني طويل شوي وابوي الله يطول بعمره راعي سهرات شبابية وباستراحات ووناسة فما يدري عن امي وحنا تقل حارة كل من يده له :11ight_li هههههههههههههههههههههههه كلن على راسه المهم انا صرت ربة البيت انتبه لاخواني الى ماكلى اكله والى مارضع اسوي له رضاعة وجايبة لهم من امهات خمسمية ملي عشان ماتغلق بسرعة وابلش فيه هههههههههههههههههه
عاد ذاك اليوم امي قلت لكم طلعت بدري والوضع صار خطير والنجدات تطير طيران في البيت :11mmer3: واخاوني يطامرون من مسند لمسند ومن مركى لمركى تحس انك كانك في حضانة مو ببيت ناس فاهمة < احلفي بس هههههههههههه
المهم قلت يابنت مالك غير تسوين لاخوانك عصير فنتو وتحطين فيه مخدر عساهم يخمدون وترتاح رجولي من المراكض وراهم :11ughboun المهم حطيت المخدر وماهي الا ثواني واخواني متصرعين يمين ويسار تقل اننا في فلم عادل امام يومه بملهى وكل الى فيه انصرعوا من الحشيش الله لايبلانا :11azy:
عاد انا ناظرت في اخواني وحزنت عليهم قلت الله لايوليني عليهم وش هالسواة عاد قمت انا واختي نشيلهم واحد واحد ونوديهم لاسرتهم < سرير النوم موباسرهم يعني عوايلهم< انطمي فهمو خلاص هههههههههههههههه
وجلست انا واختي نناظر في بعض هي تطالع فيني وانا اطالع فيها والعيون تناقز بخطورة :ill_h4h:
قلت هيه وشفيك؟ وش تبين؟ انا مانيب غريبة انا كلي حلى سكتت اختى قالت مابي شي بس عاجبك حالتنا هذي انا وانتى؟ كنا شغالات بالبيت؟ مغير نناقز ورى البزارين وامنا هذى مبسوطة وتطامر من مطعم لمطعم ومن شلة لشلة من خوياتاها وانا وانتي بلشنا بورعانها؟ :11istling قمت نقزت بسرعة كبيرة ولطمتها كف وقلت عيب هذي امنا الله يخليها لنا صحيح انها راعية قصور بس برضوا امنا :11ab:
المهم اختى كنها انصدمت من تصرفي الغير متوقع مني ههههههههههههه ورخت عينها على الزولية الى بالصالة وتناظر بعيون الحسرة والالم شوي ورفعت عيونها وفيها بريق؟ انا شكيت قلت البينت عندها مصيبة المهم قلت ماهذا البريق الى في عينيكي؟ هههههه< قلبت فصحى ياعيني ههههههههههه
قالت كلي؟ قلت هاه ؟ قالت وش رايك بالزولية هذي؟ قلت معالاها حلوة وتهبل :mf_leia:
قاالت بس ناظري الوردة الى بالوسط كبيرة والوانها ماش؟ قلت عاد انا والله ماصنعتها وهذا ذوق امنا الله يخليها لنا قالت بس مولازم نستسلم للواقع؟ قلت انا هاااااه؟ قالت ايه وش رايك نغير الوانها؟ قلت لها ماعندنا خيوط نغيرها ولامكاين غير حقت امي وصغيرة ماتتحمل زوالي؟ قالت يالخبلة افهمييييييييييييي نبي نغير لونها بالالوان الى عندنا الفلوماستر قلت انا اها وينقز فوق راسي عصفور اقول ياناس اختى ههذي عبقرية :11kia: ونبدا نغير في الوان الزولية الاحمر خلينا ه اسود والاسود خليناه رصاصي والازرق قلبناه عنابي المهم حركات كبيرة وعلى مستوى دولي في الفن وانهمكنا بالتلوين ولانتبهنا الا لحظة حضور امي حانت؟ قمت نقزت وزينت قهوة وقدوع وقلت خل امي تجي تلقى التغيير الكبير في المنزل :11ap: ههههههههههههههههههه ودخلت امي وعينكم ماتشوف الا النور أكيد بتقلون وش صار؟ صح والله تعبت بعدين اعلمكم في الحلقه القادمة وشكرا لكم على المتابعة معكم كلي من هنا :2:
حقوقي لي محفوظة وتاليفي يعني ماعرف الطش
