شلل بالحلال ولا لقيت له علاج اللي عرف لا يخلينا الله يجزاكم خير

اغنام - ابل - دواجن - طيور

السلام عليكم ورحمه الله وبركاته
عندي حلال نعيم واشتكي من مرض الشلل
يضرب الشاه واول اعراضه في رجليها ومشيها ماهو مضبوط
ثاني يوم واقفه ولا تمشي واليوم الثالث تنشل
وتطيح وشهيتها طبيعيه وتستمر فتره وهي منشله توصل شهر
وبعدين تموت
حتي فحول الحلال ذبحها والله العظيم يا اخواني
وعندي كم شاه سلمت بعد ما ضربها الشلل لكن حال عدوكم
ما منها فايده يالله انها تاقف وبالله انها تمشي ومتصفطه وهزيله جدا
وضرب عندي غنم وفحول وجذعان وترا اعراضه تشابه حما الضريع
وكل دكتور اجيه تقول نقص نحاس
وانا معطيها نحاس لين قالت بس ومستمر عليه
والحاله بالحلال لها 6 شهور
هل احدا منكم مرت عليه الحاله ويعلمنا علاجها الله يجزاكم عنا الخير *