ياربي والله محتارة :( :( :(

السلام عليكم بنات ،،،


عندي مشكلة صايرة مع رفيجاتي !!
محتااااارة وأبي حل بليز !


السالفة ان وحدة من رفيجاتي حييييل معاي أنا وبنت خالي وفجأة ماقامت تكلمنا تحقرنا وتعاملنا بنفس خايسة أنا وبنت خالي قلنا والله مانكلمها شفيها هاذي ؟؟ عسى ماشر ؟؟ وووو ... الخ

المهم (( استعجلنااا )) ورحنا قلنا لأختها الكبيرة ان إلي بينا انتهى وخلاااص ماراح نكلمها لو شنو واحنا احترمناها عشانج !!


وسألتنا وحدة من البنات (ثقة) شسالفة شفيكم ماتحاجون ؟؟ قلنا ماشر ! وقعدت تضغط ليما قلنا لها كل شي وقلنا هاذي فيها كيت وكيت وكيت :( طلعنا خياسها !!>>>ســحــبــت حــجــي !!



المهم مرت شهوووور على السالفة !!
وبعدين اكتشفنا أنا وبنت خالي ان البنت الثقة طلعت إهيا إلي مفرقنا بينا ومقولتنا حجي وبعدين سألتنا شسالفة عشان نطلع خياس البنت وتلقى علينا ممسك ضدها !!

وليييييش كل هذا ؟ علشان تدقر رفيجتنا وتخليها وحيدة وفرقت بينها وبين رفيجاتها !!



شفت حقارة بس جذي أعووووذ بالله !!


الحين انا أدري غلطانة وأخذت درس عمري بحياتي ماراح أنساه .. المفروض أكلم البنت واتفاهم معاها وماأقول حجي من ورا ظهرها مهما كااان !!


بــس الحين ودي ترد علاقتي معاها مثل قبل عشان هذيك البنت (إلي كاااانت ثقة) ماتنفذ إلي ببالها واحنا مو لعبة بيدها ولا صيدة !!



المشكلة الحين شلوووون أروح اعتذر لرفيجتي شلون وأنا قايلة لخواتها والبنات مستحيل أسامحها إلي بينا انتهى وووو...الخ


إذا استمرت علاقتنا جذي هذيك تبي تستانس ..

ياربي والله محتارة :( :( :(