جيت للدنيا ومنها خفت..

[poem=font="Simplified Arabic,4,black,bold,normal" bkcolor="transparent" bkimage="" border="double,9,sienna" type=2 line=0 align=center use=ex num="0,black"]
جيت للدنيا ومنها خفت/حتى إنّي بكيت = صرختي لامي بشاره/ خففت عنها الألم
جيت عاري من اماني/ تسعة اشهورٍ قضيت= شايلتني في حشاها/ ما شتكت ثقل وسقم
جيت من ضعفي وحيد/ ولا عن احوالي دريت = غير إني صرت شيٍّ جاء من شبه العدم
وابتديت أكبر وأكبر/ حتى في يومٍ مشيت = وابتدت دنياي تسحب/ كل يومٍ لي قدم
البراءه والصراحه انتهت يومي لقيت = كل واحد ابتعد عنها وجنّح للوهم
كنت اظن الكون جنّه/ واثري بظنّي خطيت = كان ما انته ذيب تفرس/ تفرسك بعض البهم
صرت مثل الناس علّي/ اسلم ولو مااشتهيت= دامنا في وسط غابه/ من ضعف فيها انظلم
انقضى عمري اطارد في الوهم حتى اغتنيت = وصار لي عزٍّ وجاه وصرت شخصٍ محترم
صابني كثر الغرور بدنيتي حتى لهيت = حتى عن امٍ لأجلي شافت الموت احتدم
شافته لحظه بلحظه/ وضْحَكت يومي أتيت = كن في يدها عطوها البدر تكتب به قلم
كانت صغيره/جميله/ مثلها ما قد رأيت = التوت لاجلي/ مثل غصنٍ ذوى ثم انحطم
وجهها الشاحب /وعينيها/ ببالي ما نسيت= وكيف لا مني شكيت/ ترتكز مثل العلم
وفي النهايه مع عروسي/ كلما تامر وفيت= حتى لو اترك عجوزي/ وحدها تشكي السقم
كيف ابوصف كل جاحد/ مهما اكتب ما قضيت= نذل وإلاّ صار مجرم أو ضميره انعدم
وقمت افكر في حياتي/ وافتكر في اللي بنيت = وهل يساوي عمري اللي ضاع من دون افتهم
إنني راحل/ مثل ما جيت/ لوما ارتضيت = تاركٍ خلفي رصيدٍ/ اجتمع بعد النهم
مثل من غيري ترجّل/ شوف عيني ما قريت= اندفن وحده/ وراحوا عنه لو كانوا أمم
لا رفيق ولا صديق/ ولا قريب لك غذيت = ترتحل وحدك/ ولا من صاحبٍ مهما لطم
ومع مرور الوقت تنسى/ مثلما يومك نسيت = من تسبب في وجودك/ وشال عنّك كل هم
في القبر تبدا المسيره /دون لو او قول ليت = تحصد اللي قد زرعته/ يوم ما ينفع ندم
وش تقول اليا حسابك كشف من ساعة بديت= وشفت قدامك مصيرك يتجه بك للظُلَم
لو تفكّر لو تدبّر مقصدي واللي عنيت = تعرف الدنيا سراب ولو تصل لاعلى القمم[/poem]

أخوي الغالي / عثمان العبدالله
صح لسانــك
ولا هنـــت
أمتعتنا كثيرا وكثيرا بما كتبت
ونفس الموضوع رائع بكل صراحه إنت ( مبدع ومتألق ودعنى أقو أنك نجم لامع في سماء الشعر )
الحقيقه جعلتني أقراء القصيده مره وإثنين وثلاثه .............. وعشره ولم أمل منها بل كل ما قرائتها أزيد شوقا لأن أعيد قرائتها وأنا بكل صراحه أهنئ نفسي على أنني ألتقيت بشاعر مبدع وكبير وسيمتعنا كثيرا وكثيرا
وأتمنى ومن كل قلبي أن أرى لك كل جديد وأن تمتعنا بإبداعاتك.
وتقبل خالص تحياتي ،،،،،،،،،،،،،
أخوك المخلص : عبدالله محمد

تسجيل حضور


ولي عوده

عثمان العبدالله

أسعد الله جميع أوقاتك بكل خير ومسره

الله الله عليك ياسلام ابيات ولا اروع منها

صح لسانك ولاهنت كتبت فأبدعت

لاتحرمنا من روائعك الجميله

الحزنّ الأكيدّ

ابو عبدالله

صح لساااااانك واحساسك

قصيدة رائعه بروعة حضورك

تسلم يمينك يالقرم ولا هنت

تحياااتي لك

اخوك

عثمان
صح لسانك لاهنت
وتقبل تحياتي