ما لك عــذر

السلام عليكم ورحمة الله وبركاته
كيفكم يا احلى جمهور
وجمعه مباركه والله يرزقكم ويهديكم
وينصر نصرنا يارب

قال ابو نوره
ابعتذر عن كل شى الا الهوى
ما للهوى عندي عذر

مباراتنا القادمه امام الفتح
باذن الله نحسم بطاقة التاهل من الذهاب
الكل صار عارف ان النصر مع الدعم والتكاتف
يكون فريق ماله حل وصعب على الخصوم

واللاعبين يطالبونا بالدعم والحضور
تذكرون البطولة الخليجية؟؟
مباراتنا ضد الوصل نصف النهائي الحضور كان53الف
والان نفس الوضع نصف نهائي وفي ارضنا
كم عالمي راح يحضر!!؟؟

وبصراحة فيه سؤال حير العلماء؟؟
كم واحد بالرياض تصكه النفسيه من الطفش والملل
لان ماعنده شى يسويه ومافيه مكان يروح له!!
ياحبيبي احضر وجيب معاك اخوانك الصغار واصحابك
حتى لو هو زعيقي قول لهاركب بنروح مشوار
وادعس ولاتوقف الا باستاد الملك فهد
هههههههههههههههههه
والله العظيم في مباراة الوصل كان عندنا جمس
وامر عيال الحاره واركبهم حتى اللى مايعرف وش الكوره

وكانت نتيجة الحضور الرهيب ثلاثية عباس

اعضاء الشرف ماقصروا وفروا لنا25000تذكرة مجانية
نبي التذاكر تنتهي

تكفون يارجال

وبالتوفيق ان شاء الله للعالمي

دمتم بود