فديـــته يقولي ويهج يلمـــع نظيـف جنج فاركته بلــولــو - يما يما مااصدقت تعالوا حياكم
بسم الله الرحمن الرحيم
شلونكم حبايب قلبي
كالعاده وعساكم داااايم الدوووووووووووووووووووم بسعاااده
ما اجرب شي ويفيدني الا افيدكم فيه حبايب قلبي :eh_s(22):
ما شاء الله لا اله الا الله
فديته يقولي ويهج يلمع نظيييف جنج فاركته بلولو طبعا قصده لولو لولو مو صابون لولو جنه في صابون اماعين اسمه لولو صح :D
عاد مو تقولون شفيها مزيونه وشقره استخفت حاشتها مراهقه متأخره @@
هذا واحد من محارمي لاحظ التغيير على بشرتي وقالي :eh_s(9): الحمدلله
نقول بسم الله ماشاء الله تبارك الله و نقرا وياليت تفهمون شرحي لاني اشرح بشكل عفوي ما ادري واااضح او لا اي استفسار حاااضر قولولي
استخدمت هالطريقه فتره بسيطه
انا هالرابط اطبقه يوميا بخطوات ترطيب البشره ولا استغنى عن شيين ماي الورد المنعش قبل أي كريم مرطب احطه وخلي ويهي مبلل فيه واحط فوقه كريمي المرطب اخلطهم يصير الكريم مع الماي الورد وافدهن فيهم ويهي ( بشرتي دهنيه بمنطقه التي الجبهه الخشم الحنج )
هذا الرابط
http://www.q8yat.com/t873075.html
ماي الورد كل ما غسلت ويهي ووعاه كريم على طول سواء كريم الحمايه اللي الصبح او المرطب اللي للبيت او كريم الد كوين اللي أحطه بليل واغسله الصبح ضروري لانه مايصلح مع الشمس انا شرحت كل شي بالرابط والمهم بالموضوع الحمايه بالصبح و الد كوين يوميا او يوم وترك بليل وماي ورد مرتين او ثلاث باليوم
المهم والتغيير اللي صار
مااااشاااء الله لا اله الا الله
المهم التغيير اني صرت كل ما ارد من الدوام ارد تعبانه وحر مع هالصيف واطلع من دوامي الساعه 2 ما اوصل الا كلش تعبانه ابي شي منعش ينعش جسمي و بشرتي وينظف جسمي و ويهي
وبعدين ادش حمامي الجميل و تحت واخذ شووور منعش انظف فيه بشرة جسمي كلها ( اذا تبون اكتبلكم موضوع عن طريقتي اليوميه بالسبوح )
وافرك جسمي كله بخلطتي الصابونيه حتى ويهي ورقبتي واذوني وافرك اماكن الدهون عدل جني اسوي سنفره واماكن الدهون عندي في الحنج والخشم والجبهه وافرك عدل بحركات دائريه وقويه اشوي انشط ويهي
وبعدين اغسل بماي دافي واطبطب على ويهي وافرك بمساج تحت الماي الدافي باصابعي على عيوني وحواجبي وخدودي وحنجي وشفايفي وخشمي واسوي مساجات وتدليك بحركات تعطيني نظاره واحرك عضلات ويهي تحت لماي الدافي واسوي حركات خبال هههههههههههه ااااااااااااااااه اوووووووووووه ايييييييييييييييي واشق حلجي واستهبل ههههههه وبعدين انشف ويهي وحط اشويه روب بااارد على ويهي وافركه عدل وادلك فيه ويهي عدل راح يسيح معاج بالمغسله بس ميخالف راح تستفيد البشره ان شاءالله لان الروب ينظف وينعش وبعدين اغسل بماي بارد ويهي ومرتين بالاسبوع اساخدم سنفره كاب بدل الروب اخليها دقيقتين واغسليها ( وممكن تسوين ماسك يهبل للبشره روب و شوفان مطحون ولبنه وتخلينها 10 دقايق عالبشره ينظف ويمص الدهون ويعطي لمعه للبشره )
وبعدين انشف ويهي بكلنكس عدل واطلع من الحمام واكون مسويتلي هالخلطه او هالطريقه السهله ( بخاخ فاضي تحطين فيه ماي ورد + كسرة مره صغييييره اختاري لونها اشقر احمر نظيفه و تكون جنها شفافه ) وطبعا تخلينها لمن تذوب اشوي يوم مثلا وبعدين عقب هالشور وتنظيف البشره السريع ترشين رشتين ثلاث على بشرتج وخليها دقيقه اقل وبعدين حطي مرطبج واختاري اللي يناسبج انا يناسبني مرطب افين اللي ذكرته بالرابط
المره وماي الورد راح تشد بشرتج وتقبض مسامها وتنظفها وتنعشها انشاءالله
وبعدين عصير برتقال فررررررش طبيعي بدووون ماي او ثلج عصير البرتقال قبل الاكل افضل مو مع شي بروحه احسن عشان تستفيدين منه اكثر ما ادري انا احس جذي وبعدين عقب نص ساعه تغدي ( ان شاءالله بتكلم عن اغذيه مفيده حق البشره في موضوع ثاني ومع وقت كل شي يعني شنو تشربين الصبح والظهر و بليل )
و نصيحه وخري عن الكاكاو انا بالنسبه لي اهوا عدو بشرتي اللدووووووود من اكل كاكاو وايد يومين ثلاث ورا بعض بشرتي احسها تصير دهنيه وباهته و تطلعلي حبه صعب تروح انا اكل كاكاو ما اصبر عنه بس قطعه صغيره الصبح مع الكوفي
المهم والشي الثاني والاهم قلاص لبن بليل قبل النوم وياليت يكون لبن لايت او قليل دسم احسن وشوفي بشرتج مع الاستمرار والعنايه و النظافه اليوميه وتحرصين تغسلينها عدل من المكياج والغبار والعرق والدهون
ونصيحة
وكل شي يبيله استمرار
وان شاءالله تصير بشرتج لولو فديتكم
احبكم
وناطره ردودكم الحلوه
وما اتمنى غير الفايده لكم ودعواتكم الطيبه
مع تحياتي ياحياتي
مزيونه وشقره
