نصيحة ... كان قلبك ضعيف (تعال) دواك عندي !! وهااات معدااالك؟!!

السلام عليكم ورحمة الله وبركاته ،،،
بحروف الشوق أتيت مبحرا بمركب الحب في بحر العالمي تجدف معي عبارات الحنين .... وفي شواطئ المنتدى أرسيت سفينتي ... أنزلت اشرعتي الصفراء والزرقاء وعلى المحيا كتبت عنوانا ( لا تبتعد مراكب العشق يانصري فان طال الغياب سيجذبنا حتما اليك كنز المحبة الدفين اي نعم كنز الحنين بل كنز العشق الأصفر ... على كل حال هو كنز عشق الكيان الثمين )....مااروع الكلمات وما اجمل الجمل ... حين اشتغل قلبي للعشق احس أني ساكتب النثر وسارتجل الشعر عاش جو بدر عبدالمحسن ههههههههههه ( اخلص لا ترطب لما تتفل العافيه )طيب عشان نتفق واطلع من ذاك الجو خلونا نحط خط ----------------------------- همن نقطة من اول السطر.
..بالأمس القريب مزمزنا على الحلوين الفريق المخطط واللي هاليومين اشوفهم تساثحين ( بمعنى راشين لغير الناطقين بلهجتي القصيمية ) عليه شوي كركم او صفار لحم لين صار برتقالي يالله لك الحمد والشكر ههههه المهم معالينا منهم أخذنهم ملط جبنه بصامولية رايح جاي وقضينا ..
..ايه اللي هنا الحين عيال الاحساء فريق الفتح طيب وش السواة معهم معقولة تظنون النصر بسكون الراء سيفرط بالنصر بفتح الراء طبعا لا والف لاء ولغويا غلط همزة بعد كلمة لا النفي ( لاء) بس حطيته عشان حاجتين الاولى : توسع صدر (لا) خبركم جمعة يوم فضيل والخشبيه تبدع بسباق الخيل وضيقة الصدر السبب الثاني : لأجل دور نصف نهائي فلازم شوية دندشة خبركم حركات صلة ومنصة المعاريس هههههه >>>> عطونا الكاس وجيبوا بزرانكم والشغاله وفرشة وزمزميات...

ابو مكياج معطي الفتح نسبة ٧٠ يقوله ويضحك زي قولة بيضة ديك مع الشباب وانتهت ( وش تحس به التويجري)
الى بغى الهراج يمطط برنامجه وأنحرج بقل المواضيع قام وزهم عليه ترانا نبيك تحيي الحلقة والفراج يعنني مااحب آرائك يابوغيداااااء عشان لأحرج مع جمهور النصر يعمي طير انت واياوه ومنة منه حاط كلب اشتقنا دقيقة ونص خبركم الطقاقه على حسب اللي يرش الساحة ....
بإذن الله سنحسمً التأهل من الدرة بنتيجة ٥ / ١ ولن اقول أني مبالغ لكن وش تعطوني ان طلعت نتيجتي صح ؟؟؟! >>>>>> ابي هرج اسند عليه من اللي يقول وش مكافئتي >>>>>ترا ان جاز لك دردشتنا بالقايله+++++



جميع الحقوق محفوظة لصالح منتدى العالمي نت وكاتبه ،،،
ختاما لكم حبي وتقديري
محمد منصور محمد الزبيري
القصيم - الربيعية