حملت ......والفضل بعد الله لهالمنتدى

مساء الفل عالحلوين
اليوم وانا قاعده افكر تذكرت شغله انا قريتها من شهر بهالمنتدى المبروك:Dاي والله مبروك
انا يا طويلات العمر صارلي 7 شعور ابي احمل والدكتوره قالتلي ان عندي مشكله بالانجاب وصدمتني انه يمكن احتاج عمليه :eh_s(2): وانا توني صغيره ولا عندي اطفال
المهم قالت لي انتظري اذا كملتي سنه ما حملتي سوي العمليه
جلست 6 شهور
الشهر السابع دخلت هالمنتدى وقريت من باب الاستطلاع لا اكثر طريقه حاطتها وحده من الخوات الله يجزاها خير ويرزقها من حيث لا تحتسب والله نسيت منو :eh_s(10):
الطريقه كانت عباره عن ملعقه رشاد وملعقه كمون كله مطحون في كوب ماء حار بعد الوجبات الثلاث في اخر يوم من الدوره يعني 3 اكواب باليوم وتاكلين اللي يبقى بالكوب
ما اهتميت بالموضوع لاني استسلمت لكلام الدكتوره وانه لازم عمليه وكنت محدده موعد مراجعه مع الطبيبه في الدوره الجايه وكانت علي الدوره وقتها (اقصد لما قريت الموضوع)لما جاء اخر يوم قلت ليش ما اجرب وسويتها
وجلست انتظر الدوره اللي بعدها عشان موعدي مع الدكتوره
بس كانت المفاجاءه ان الدوره ما جت لكن انا ما استغربت لانها متلخبطه عندي واحيانا تتاخر 20 يوم واحلل ويطلع ما فيه حمل ست شهور وانا كل شهر بالمستشفى او اسوي تحليل منزلي والله ما عادلي وجه قدام زوجي لدرجه قال انسي لا تفكرين والدكتور قالت هذا سبب ثاني يمنع الحمل نظمي الدوره بعدين فكري بالحمل لانه بهالحاله صعب المهم هالمره بس متاخره 14 يوم وكانت غير كل مره كل شهر يتهيا لي ان عندي غثيان وصدري يعورني ومره نغزات ببطني (وحده عايشه الدور):bbbiu:
هالمره مو حاسه بشي اصلا لاني مثل ما قلت لكم استسلمت
بس زوجي قال بنروح المستشفى عشان الم الدوره لانها مو راضيه تنزل قلت لا انا متعوده اكل حبوب تنزلها واكلتها :rgewrg:
وزاد الالم من اليوم الثاني رحت المستشفى قالوا مبروك حامل:eek: بالبدايه خفت لاني اكلت مسكن بس الدكتوره طمنتني وقالت حبه ما تضر انشالله
حبيت انقل لكم تجربتي يمكن تنفع احد كان مثل حالتي
وللاخت اللي كتبت هالخلطه الله يوسع عليها دنيا واخره ويرزقها بدون حساب
وبالاخر كل شي بامر الله



ا