لا عاده الله يوم علمه وردنا
يالله يـــا مـعـبـود تـرحــم فـهـدنـا
تكسيـه بالرحمـه رفيـع المقـامـات
يالله يالـلـي مــا لـغـيـرك سـجـدنـا
ترحـم ملكنـا يـا بـديـع السـمـوات
يالله تعـلـم مـــا لـغـيـرك قـصـدنـا
تجبـر مصـاب ٍ فيـه تجـزاه جنـات
لا عــاده الله يــوم علـمـه وردنــا
لا عاده الله يـوم فيـه الفهـد مـات
لا عــاده الله يــوم غـالـي فـقـدنـا
شيخ ٍ مع الملهوف له دوم وقفات
مات الجسد والـروح تبقـى سندنـا
نرفع بها دايم علـى المجـد رايـات
مــا ينـكـر التـاريـخ حـنـا شهـدنـا
والكون كله مايبـي حلـف واثبـات
الكـون كلـه شــاف وقـفـة أسـدنـا
يـوم ٍ نـوى الطغيـان للـدار نـيٌـات
نذكـرك دايـم لـيـن نلـقـى وعـدنـا
يـوم ان مثلـك مـا توفٌـيـه كلـمـات
يالله يـــا مـعـبـود تـحـفـظ بـلـدنــا
من كل شـر ومـن جميـع الملمـات
يــا خــادم البيتـيـن حـنـا وجـدنــا
فيك العوض فيك السنـد للمهمـات
ترفـع لـك البيعـه مـع القلـب يدنـا
والشعب لجلك ينكر الروح والذات
كمـل مسيـرة مـا بــدا بــه فهـدنـا
وحنـا معـك دايـم مـعـك للنهـايـات
