مرثية في خادم الحرمين الشريفين فهد بن عبدالعزيز
[poem=font="Simplified Arabic,5,seagreen,bold,normal" bkcolor="transparent" bkimage="backgrounds/16.gif" border="none,4,gray" type=2 line=0 align=center use=ex num="0,black[poem=font="Simplified Arabic,6,seagreen,normal,normal" bkcolor="transparent" bkimage="backgrounds/16.gif" border="none,4,gray" type=2 line=0 align=center use=ex num="0,black"]
"]
على الله بسّ مشكانا..على الله وحده التكلان=الى منّا بدينا..نبتدي باللي علا شانه
عظيم المُلْك..نشكر نعمته بالحمد والعرفان=على ما قدّر الله..صابرين..بنفس رضْيانه
تعازينا عجز عنها القلم والشِّعر والقيفان=على فقْد الفهَد..ينعى قصيدٍ هلّ قيفانه
ملِك..والمُلْك لله..يوم فارقنا عظيم انسان=فهد عبدالعزيز آل السعود..العزّ نيشانه
عسى الله يرحمه..ويْسَكِّنَه..ويخلِّد ه بجْنان=ويغْسل بالبرَد وجهه..ويفزع له بغفرانه
ويجْزِل بالثواب أجره..الين يْثقِّل الميزان=دُعا باخلاص..نرجي به كريم الوجه سبحانه
فقدنا خادم البيتين..صاحب خدمة القرآن=فقدناه وبكيناه..وشهدنا دفْن جثمانه
فقدنا راعي النخوة..وسيف النّصر في الميدان=فقدنا فزْعة الّصّامل..مع ربعه وجيرانه
فقدنا لقمة الجايع..فقدنا كسوة العريان=فقدنا الطّيْب كلّه..في مضامينه وعنوانه
نعزّي روسنا في غيبته..ياالله عسى السِّلوان=عسى الله يلْهِم القلب الرّضَي صبره وسلوانه
نشارك حزننا..حِزْن الوفود..اللّي من العربان=معا أقطار الدّول..والعالم..اللي ناح بأحزانه
وكمّلنا..وبايعنا..لأبو متعب على رضوان=عسى فيه الخلَف..لأغلى سلف..ويهين من هانه
رضينا به..مليكٍ للبلاد..بسُنّه وقرآن=يقِرّ الحُكْم بالشرع..ويثبّت جملة أركانه
وتممّنا..وبايعنا..وليّ العهد له ..سلطان=جميع الشعب بايع بالوفا..حضْره وبدوانه
نبايع مانخون..ومالنا غير الوفا عنوان=وخاين ذِمّته..ماله حشا من بيننا خانه
عسى الله لا يفرِّق شملنا..نبقى سوا واخوان=تحَت راية زعيم الشعب..أبو متعب..معا أخوانه
اخوكم/علي عبدالرحمن الأسمري[/poem][/poem]
