فقيد الامه الاسلاميه عندما كان مريضا في لندن في شهر شوال من عام 1385هجري
هذه قصيدة المرحوم بأذن الله
خادم الحرمين الشريفين الملك\فهد بن عبدالعزيز رحمه الله عندما
كان مريضا في لندن في شهر شوال من عام 1385هجري حيث بعثها
الى المرحوم بأذن الله
الامير فهد بن سعد يشكو فيها قساوة المرض
[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يابو سعد صارت على اخوك غارات =شهرين اقاسي مـن شديـد الغرابيـل
سو المرض يحمل على اخوك حملات =.مافي يدي حيله ولا في يـدي حيـل
والله فزع من فوق سبـع السمـاوات=وانا احمد الله يوم صـارت تساهيـل
ماينفع الخايـف والايـام عجـلات =الخوف ماينفـع ولا القـول والقيـل
حنا هل العوجـا ولا بـه مـروات.=شرب المصايب مثل شرب الفناجيـل
لاشك انا مشغول في كـل الاوقـات=على الـذي حنـا بظلـه رجاجيـل
ماني على نفسـي كثيـر الحسافـات = لاسلم راسه روسنـا فوق بالحيـل
حامـي حمانـا بالليالـي المخيفـات= لو صـار بالعالـم كثيـر الزلازيـل
فخر العروبـه بالعـدل والمسـاواه = هذاك هو فيصـل ولا فيـه تشكيـل
يشهد له اللـي شاهـدوا منـه ليـات= ويشهد له التاريخ جيـل بعـد جيـل
[/poet]
فاجابه الامير \ فهد بن سعد رحمه الله بهذه القصيده :
[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامرحبـا بكتـاب زبـن المـخـلات =ا هـلا هلابـه عـد وبـل الهماليـل
حمـدت مـن زال الكـدر بالمسـرات= فكاك مـن صكـت عليـه المحابيـل
فـزع لـك اللـي عالـم بالخفـيـات= مبري جروح ايوب غيـث المراميـل
لعل مايزعج علـى فقـدك اصـوات=ولعلهـا لـك يابـو فيصـل تماهيـل
الله يجيرك مـن صواديـف الافـات=عسـاك تسلـم ياعشيـر المشاكـيـل
ماانت برخيـص ياربيـع القرابـات=لو هي بالايدي كان دونـك حلاحيـل
ترا لنا بـك يافتـى الجـود هقـوات = في وقتنا الحاضـر وباللـي مقابيـل
يفـداك ربـع قصـروا بالمهـمـات.=اللي علـى القـالات ماتنطـح الشيـل
بعض العرب حي ومن عرض الاموات= مايرتجـي نفعـه بحـل المشاكـيـل
وفيصـل ذرانـا بالسنيـن المخيفـات= هو درعنا الضافي الى ضدنـا الميـل
اللـي نقـل عنـا حمـول ثقـيـلات = راس الحصيـل ان كملـن المحــاصيـــل
[/poet]
اللهم يا قادراً على كل شيء
اغفر لهما كل شيء وارحمهما
برحمتك الواسعة التي رحمت بها كل شيء
وأسكنها فسيح جناتك
