هذا هو فايز السبيعي على حقيقته

الحمد لله الذي اظهر لكم حقيقة هذا الحارس (السكه) وان ابداعه كان وقتي او من الصحوه الاتفاقيه المؤقته ويعلم الله اني كنت من اول الفراحنين بعدم ضمه لانه لو جاء النصر ماراح يقدم اي جديد
وخلو غزة النفس اللي جته تنفعه يوم قال ابي الاتفاق علشان يشتري راحته
من شاف مباراة الذهاب والاياب مع الفتح يشوف الاهداف اللي كان هو السبب الرئيسي فيها يعرف انه مصدي ومنتهي الصلاحيه
لكن العنزي وخالد راضي يوم جاهم مدرب حراس صاحي طلع المستوى والمواهب المدفونه عندهم
والعنزي مشالله عليه من مباراة لمباراة يبدع
خالد راضي تطور لكن يبي له شوي في العرضيات
دائما اقول النصر فيه ابطال وعندهم امكانيات عاليه لكن تبي اللي يوظفها صح
وانشالله ماتورنا يستمر على كذا بس اهم شي حتى لو ماخذنا بطوله كاس الملك انهم يشتغلون على جلب محترفين يكونون على مستوى عالي ولهم بصمه داخل الملعب
وياليت فيصل بن تركي يبعد عن الرجيع من الانديه الاخرى حتى لو كان فنان وعمره فوق الثلاثين مانبيه نبي ناس تعطي اكثر من سنه
حرام فلوس راحت في فلاته ومافلاته وطايع وضايع ومع احترامي لمالك لكن احب اقوله خلاص راحت عليك والصراحه لو فيه خير كان ماعافه الاهلي
تمنياتي للعالمي بالتوفيق في بطوله خادم الحرمين الشريفين