هل مشكلتنا الخدم او احنا مشكلتهم !!!؟

بسم الله ابدآ موضوعي بنات الموضوع حساس بعد ما تكاثرت مشاكل الخدم و جرايمهم هذي الايام ليش يا تري هذي الاشيا تصير هل الخلل منا او منهم ؟؟
الكل يرفض يحط العيب عليه بس مرات يكون الواحد غلطان و هو مو ملاحظ و العكس صحيح الاسراف في الدلع يخربهم
الله يسلمكم كان عندي فلبينيه مع اثيوبيه كنت مستانسه كانوا وايد زينين و ناويه اكمل معاهم لين يكبرون عيالي و احاول اريحم و قبل رمضان بجم يوم كنت اوديهم لجنه التعريف بالاسلام اسلموا ثنتينهم قبل رمضان و صاموه كله و راحو الجيام معاي و كان طول فتره العشر الاواخر في واحد باكستاني ايني البيت يقعد بالصاله بحجه يقيس لي تلبيس حق اثاث الصاله اكثر من 15 يوم ريلي يقول مو جنه مصخهاصك شهر كل يوم فوق الساعتين ياخذ مقاسات و يجرب المهم عقب العيد بجم يوم كنت تحت هذا بيت اهلي و انا ماجره فوق تقولي مدام تعالي فوق قلت ليش قالت تعالي و شوفي قلت اليهال يطقون بعض و الا اللبينيه تطقهم و الا شن، قالت تبين تعرفين تعالي جان اقول ماني يايه قالت كيفج و سكرته لعب بجبي الفار و اكض فوق و اقولها وينهم و ادش الدار عليهم و اصرخ عليهم و اقفل باب الشقه و المطبخ و اقفل دار الخدامع عليها و اقعد الحمار بالصاله و صراخي مالا والي و ادق علي امي و ريلي و خالتي و الشرطه هههه كل هذا و انا حامل و بروحي جونقر ومن ههه و كلهم يو و ايي ريلي و يطقهم و الشرطه خذوهم المهم تنازلنا عن القضيه سفرنا اخدامه و هذا مادري شصار عليه قبل ماسفرها دقيت عالطبطبائي و قلتله خلصت مدتها المفروض تسافر و لها فلوس عندي و سوت جذي تصدقون شقال !!!
قال مسلمه قلت اي و خلصت مدتها اول شي منو شاف معاج قلت بس انا مو كفايه لازم اربع شهود و دامها خلصت اذا بتروح تدفعين كل شي لها معاش و تذكره و كان لازم تسترين عليها وايد مسلمين و ويتين يسون هالشي بفخر و هذي توها داشه الاسلام لازم كنتي تعلمينها انه غلط صراحه سمعت كلامه عقب ما راحت تحسفت عليها احلم فيها و اتذكرها و كاره خدمي الخبول يطقون عيالي المهم كل هالقصه ابينلكم فيها كانت زينه كل هالسنتين و اخر شي خربتها و انا ما غفرتلها و يمكن هي لحظه ضعف و هي بعد انسانه يمكن فكرت انها تدخل بعلاقه حب تتزوج مادري عن تفكيرها بس هم بشر احنا نمنع التلفونات عنهم و الطلعات و يمكن هالشي بصالحنا و صالحهم و يشتغلون ليل نهار و معاشهم 60 و 70 و فيه 50 و احنا 6-8 ساعات و من 700-1000 معاشاتنا و متذمرين و ما نكرف مثلهم و هم هادين عيالهم و متغربين و مرات ينزفون زف عشان حرقه جدر و الا شيله و احنا بين عيالنا و بدواماتنا و مرات نلاسن مسؤولينا ليش يغلط علينا لو حطلنا تآخير او درجه ما نستحقها في ناس يقولون لهم كلمو اهلكم مره بالشهر و احنا نكلم امهاتنا 1000 مره باليوم و عقبها نبيهم مبتسمين مرتاحين مثل الماكينه في ناس مستخسرين يعطونهم معاشهم يا ربي هذول بشر مرات الوم نفسي اقول هل انا ظالمه او مظلومه في بعض الاحيان اتخذت قرار اراعيهم اكثر كثر ما اقدر لو ما الحاجه ما اشتغلوا هالشغله و اضطروا للمذله الله يدوم النعمه علينا يا رب و يدومها علينا