ياأهل الصنف....... وين الصنف؟؟؟؟!!!!

اغنام - ابل - دواجن - طيور

بسم الله الرحمن الرحيم

السلام عليكم ورحمة الله وبركاته

يااخوان ياأهل الحلال اشوف اغلب المواضيع تقول صنف ... صنف .... وين الصنف اللي تقولون عنه؟؟؟

من وجهة نظري اغلب الحلال اللي يعرض في المنتدى غنم مقاني وهي نوعيين مقاني عاديه ومقاني طيبه وجرومها طيبه اما الصنف ماشفت شئ الى الان الا يمكن موضوعين او ثلاثه.

انتشر في المنتدى في الاونه الاخيره مواضيع رنانه تقول صنف ولا دخلت الموضوع وشفت الحلال الا حلال عايدي مع احترامي للجميع فهل المقصود من كلمة الصنف جذب الانتباه للحلال او نية التصريف على المشتري ام جهل البعض في نوعية الصنف واشكالها ايضا حتى لو تكون مرسسه بعض الحلال يعني من سلالة معروفه يكون حلاله ينتج صنف وينتج عايدي وينتج ذبايح ايضا.

نتمنى تجنب كلمة صنف الا اذا الحلال فعلا صنف ومعروفه سلالته وصورها تثبت الشئ هذا.


سلالات الصنف هي:
1- حلال مسهوج رحمة الله عليه
2- حلال دحام ومنها الفحل المعروف العود
3- حلال البصمان والبصمان واجد يمكن خمسه او سته اشخاص كل واحد عنده مراح صنف ممتاز
4- حلال الجيعان
5- حلال العجمي راعي الحصان وعلى فكره فيه سبعه عجمان اعرف اسمائهم عندهم حلال صنف وكل واحد يقول الزود عندي ولهم انتاج طيب
6- حلال الردسا
7- حلال رديني الخنفور
8- حلال مشعل ماطر
9- حلال القشعمي
10- حلال ابو نواف راعي مراح المدمرات
11- حلال مبارك الرزقي
12- حلال الدبوس


وفيه مرحان لم تحظرني اسمائهم ولديهم حلال صنف ويعذروني لاني لم اذكرهم.

المقصود من الكلام هذا كله انتشار كلمة الصنف كثيرا والله اعلم بالنيات

قلت مايجول في خاطري ويعذروني الاخوان على ماطرحته