السلام عليكم ورحمة الله وبركاته
من باب احب لاخيك ما تحب لنفسك
انقل لكم موضع صار معي عند تطعيم القلاعيه ليتم تلافي اي خطاء قد اكون ارتكبته وبالتالي تلافي النتيجه الي حصلت معي
الحلال كان فل الفل والحمد لله ربالعالمين اولا واخرا
سمعت ان فيه حمله للقلاعيه في زراعة الخرج
كلمتهم قالو حنا في الدلم وبنطول المهم رحت وخذيت التطعيم منهم بعد شد وجذب
كلمت دكتور وجاء وطعم جميع الحلال الصغير والكبير وكان الكلام هذا الصباح
طبعا كنت معطي الحلال سلفا مركزه قبل التطعيم
مريت الحلال العصر الا وهو ماش يتسحب وخاطره ما هوب زين ولما فكيناه على المعالف العاده مثل الصاروخ لكن ذا المره يمشي بشوي شوي طبعا الكلام هذا كان يوم الاثنين
الثلاثاء امس مريت الحلال العصر الا شاة مسقطه 3 خروفين ورخل ورخل عمرها 6 اشهر تعبانه وتلهث وعنز خامله اخذت الرخل وروشتها بماء وعطيتها 4 سم نفزول خافض للحراره والعنز 5 سم خافض للحراره
اليوم الصبح بعد الفجر كلمني الراعي ينقل لي خبر موت الرخل ام 6 اشهر
فا ارجو اخذ الحيطه والسوال قبل التطعيم
طبعا الوالده الله يطول عمرها ضد الخرابيط هذا كلها حسب كلامها ودائم اذا شافتني اعطي علاج تقول
ياليتنا من حجنا سالمين كان الذنوب الي علينا خفيفات
