شعر يامطول الغيبه على طاري النوم
http://www2.0zz0.com/2012/05/01/17/294678871.gif
يامطول الغيبه
يامطول الغيبه على طاري النوم
النوم عقبك خذت منه منآآآآعـه ؟؟
احط خدي شوي واطريك . . . واقـوم
ويغزي السهر عيني ولآبه .. فرآآعـه
من غبت حآفظ لك وسط جوفي البـوم
مآ آغير آقلب بالصورّ . . . كل ساعه
وجهك على صدر المعاليـق مرسـوم
عين المهاه .. وخـد يبـرق شعاعـه
عز الله ان النـآس معطـى ومحـروم
فلان شآري فـلان وفـلان .. بآعـه
غدآ بك الوقت الردي جعلـه القـوم ؟
والروح عقبك عايشه ... في مجآعـه
غذيتهآ .. دمع وتناهيت .. وهموم ؟ ؟
والقلب لآ غذي مـن الصبـر زآعـه
اي والله احبـك ولا ادري وش آلــوم
الوم وصلك ولا الوم .. انقطاعـه ؟ ؟
انا كان ما يجيبك سوى جرح وسهـوم
اجرح ويفـدآآآك الحشـآ .. والتيآعـه
قصآيدي بآسمك .. خذت كـل مهيـوم
لين فضحتني .. في عيـون الجمآعـه
ياللي توآصل يوم .. وتغيب كم يـوم ؟
محبتك في ذمــتي أنها قـــلاعه
متسحرك قلبي .. ولا فادك بك صـوم
مآ كني موصيـك .. واقـول رآآآعـه
يا ليل .. وش سرآك في قلب مظلـوم
منت برفيق لـي ولا لـك .. وداعـه
و اللي يقول .. ان الحكم دايمه دوم
وش رايك ان الضد .. يصبح ( قناعه )
ركز معي .. وآسمع مفآهيـم وعلـوم
عشآن تدري كيف حبـك .. الصناعـه
الخبث في الاعدآء .. ما يلحقـه لـوم
والكذب لجل الوصل .. ينهي القطاعـه
وطعم السهر بالحب آحلى مـن النـوم
والذل من فرقـآ المحبـه .. شجآعـه
يعني آكون آغليك .. وآعيش محـروم
احسن من جروحك علي كـل ساعـه
