Xox (..يميني خانت حروفي .. وهانت عندها العشرة ..) Xox
جــف القـلـم وشـعـري يـكـتـب حـروفــه
*************ذابت شموعي بين حبري والأوراق
مرتـنـي الـذكـرى وأنــا ألـمــس كـفـوفـه
*************تاهت حروفي بين حبه والأشـواق
مـا شفـت أنــا مثـلـه أبــد فــي وصـوفـه
**************وينك حبيبي أرحم اليوم مشتـاق ؟!؟!
=-=-=-=-=-=-=-=
مسموح يـا سيـد المزاييـن مسموح...هـذا طريقـك مـا نبـى منـك حاجـه
جريت صوتي تالي اللّيـل بالنوح.....نـوح الطفـل مالـي البيـت ابزعاجـه
ما أذوق راحه فوق لفراش مطروح........لا فادني ادوى الطبيب وعلاجه
جرح المشاعر زيّد جروحي جروح........صاب الفؤاد اللّـي تعتّـم سراجـه
حتى خفوقي من عنا الشوق مفضوح ......يفضح غرامه لا تعّكـر مزاجـه
حبّك تعـدى قفـار وبـرور وسيوح...يسـري فضـا محتـوي فـي عجاجـه
انتـه حبيبـي وانـت للقلـب مصلوح.......وانتـه وسـام وانـت للـحـب تـاجـه
وأنا ترى مسكيـن بـي جسـم وروح....قلـي أحبـك مـا نبـى منـك حاجـه
=-=-=-=-=-=-=-=-=
كيف أجازي الحب ابصد وجفا...وكيف أعاتب قلب بالشوق امتلى
أسأل المولى يكتب له الشفى...ذنبه المسكين في حبي ابتلى
ما يخون العهد في طبعه الوفا...من صفاته الطيب وتشهد له الملا
حالته حاله وجفنه ما غفا...ما ينام الليل حالي يجهلا
دايم فبالي خياله مختفا...ولا يزال الحب فيني ما خلا
أسألك يا رب تكتب له الشفى...ذنبه انه حب واحد وابتلى
=-=-=-=-=-=-=-=-=-=
ما انت باوّل غلاي .. ولا انت باغلى جروحي *** واجد اللي تمادوا بالغلا .. واجرحوني
=-=-=-=-=-=-=-=-=-=
احد ربي يحطك له حبيب ولا يجيه غرور *** أنا ليه التفت للناس وعيونك جماهيري
=-=-=-=-=-=-=-=-=-=
ذكرت أنا لحظة وصالكـ وصديت ..
ابسئلك وش فيك تطري عليه؟؟؟.
وألقاكـ دايم لاسرحت وتمنيت ..
ذكرى بقت من جرح الأيام فيه ..
أنسى وانا أنسى كان في يوم حبيت ..
لا كان في يديكـ ولا في يديه ..
انسى مدامكـ رحت عني وسجيت ..
أنسى وأنا أنسى كل مل صار ليه ..
=-=-=-=-=-=-=-=-=-=-=
صدفة اجتمغنا وافترقنا بصدفة ..
ولاباركـ الله في صدفة تجمع أغراب ..
فيها لقى قلبي عذابه وحتفه ..
في لحظة لا ما حسبنا لها حساب ..
في لحظةٍ حسيــت في القلب رجفة ..
مدري فرح؟؟ مدري حزن ؟؟ مدري اعجاب ؟؟
يا وقت وقت يكفيني عذابه ونزفه ..
ياوقت يكفي لا تحلمني عتاب ..
حبه ملا عمري ولو جار ظرفه ..
وإن قلت أنا بنساه بالحيـــــــــــل كذاب !؟!
=-=-=-=-=-=-=-=-=-=
سرقني وقتي انتظر .. والليلة كانت تنتظر ..
مسكت ورده في يدي .. والشمع ذاب من الوله ..
ماجيت ياللي بالهوى عذبت خافق مندمر ..
الوردة ذابت في يدي .. والليلة كانت مهزله ..
مسحت دمعي نادمة لا شكـ ما عندي نظر ..
للتو عمري ابتدى ولقيت لنفسي تكمله ..
ماجيت صادق بالوعد .. ولا جيت حتى تعتذر ..
الحب جابكـ .. بالغلط .. وشلون حظي أعدله ..
=-=-=-=-=-=-=-=-=-=-=
علميني ليه يقتلني الغياب ..
ليه .. هـــو بالذات يهزم مدمعي ؟؟
ضعت بدروبه وليل الأمس شاب ..
ماأقدر أنساه هو دايم معي ..!
أقلب الصفحة وكل عمري كتاب ..
لا قريته مت بأطراف اصبعي ..
=-=-=-=-=-=-=-=-=-=-=
تصورت القدر حاجز .. زجاج من السهل كسره ..
ولكني جرحت أناملي .. حتى دمع طرفي ..
وعشت الياس والحيرة .. بيأس ينتظر بكره ..
ولا الألم عندي .. ونصفي مل من نصفي ..
يميني خانت حروفي .. وهانت عندها العشرة ..
وبديت أضعف .. وأنا أكره مجرد ضعفي لضعفي ..
[glint] ان شاء الله تحوز على رضــــــــــــــــاكم :11oud9: [/glint]
