المعالف مليانة والابل ما تاكل وش الحل تكفون؟

اغنام - ابل - دواجن - طيور

الاخوة الكرام في منتدانا الغالي

عندي خمس نياق وخلفة في مزرعة والمعالف مليانة برسيم ناشف ومخلوط وتمر ومكعب وشعير
بس ماتاكل احط لها لبنة برسيم الصبح تجلس لين بكره اقوم اشيلها واحط لها جديده تجي تشمها وتتركها
قلت يمكن البرسيم مرشوش والا فيه ريحة قمت جبت لها مخلوط ونفس الحاله

احط لها سطل بوية شعير وسطل تمر ومكعب ويجلس يومين

قالو لي من الذباب مبهذلها وقمت رشيتها ديازينون 60 % وعطيتها افوميك 20 سم (لكن الذباب هاليومين عندنا وعند غيرنا)
الذباب خف عن اول بس الاكل ماتغير شي

الغريب انها تاكل اي شي اخضر ثيل برسيم خس ملفوف جريد نخل.

وش الحل معها تكفون حالها كل يوم تنقص والمعالف مليانة.

الله يجزاكم الجنة ووالديكم