يا اخوان ايش قصة العمدة ؟؟

لما اصيب العمدة في مباراة الاتحاد جات الاخبار انه راح يغيب اسبوعين واحتمال كبير يلعب مع الشباب في نهائي الدوري واتذكر وقتها قالوا انه بالمينو اصابته اقوى وتحتاج لاكثر من ثلاثه اسابيع .. طيب ولما جات مباراة الشباب قالوا عماد ماحيشارك لانه لسا الاصابه مؤثرة عليه .. بينما باليمينو شارك في المباراة مع انه بالمينو اصابته كانت اقوى ...وانتظرنا العمدة مع النصر الاماراتي وماشارك لعدم الجاهزية وقلنا اكيد بيشارك مع الفيصلي وقبل المباراة وصلت الاخبار ان المدرب يفضل انه يريح عماد عشان مباراة لخويا رغم جاهزيته بسبب الخوف من رجوع الاصابة ... واليوم يفاجئنا المدرب ويقول انه عماد ماراح يشارك مع لخويا ....
بصراحة في لغز محير في موضوع اصابة عماد ؟؟ انا هنا ما اشكك في احد لاسمح الله ولكن كثرة الاخبار والتناقض فيها هي اللي بتوجد مثل هذا اللغز ... والله من كثر اشتياقنا للعمدة نتمنى نشوفه في الملعب اليوم قبل بكره .. بس ياريت الادارة توضح موضوع اصابته بالتفصيل وايش صار فيها ومرحلة العلاج وصلت لاي مرحلة ؟ وهل وصل لمرحلة الجاهزية الكاملة للعب ولا لا ؟