حياكم عندي قصه حب حزينة سالم ونورة

السلام عليكم ورحمة الله وبركاته

كيف حالكم عسااكم بخير وصحه وسلامة

قصــة حب حــــزينــة مــــابي اطـــول عليكم اتركـــم مع القصــــة على امــــل اشـــوف الردود المــــشرفـه والتشجيع حتى اكمــــل ويــــاكم لباقــي القصص*
اتـــركـــم مع القصـــة الحـــــــــــين :

خرجت نوره البنت الذي يضرب في اسمها الجمال .. الى سوق .. كانت نوره لا تحب ان تجامل احد ولا تحب ان يجاملها احد ولافيها بعض صفات بنات زمان القرن واحد وعشرين كانت بنت من نوع فريد من نوع الجاد من بنات القرن سادس عشر الجديه في كل شي من اول نظره تعرف انها انسانه غير طبيعيه ذات نظرات تجعل اصلب الرجال يهبونها .. كانت تمشي في كبرياء فيه بعض من غرور .. كانت تمشي وهي لبسه لبس البنات الخليج من شيله وعبايه .. تمشي وراسه مرتفع الى اعلى .. وكانه ملكه .. كان شباب الجامعه يحولون التقرب منها .. لكن جميعهم ردهم واحد وهوا رفض واستنكار على فعلتهم .. وعندما وصلت نوره الى سوق نزلت من سيارتها .. ومشيت خطواتها المعروفه وكانه ملكه قد اقتربة من عرشها .. وعندما دخلت الى بوابة السوق واذا في كتفها يصتدم في كتف شاب ليس في وساهم الكثيره لكن كان خفيف الدم ذات بشره سمراء وجسم مليئ ليس في متين ولا بضعيف وكان هذا الحديث بينهم بداء من نوره ....*

نوره : عمى ان شاء الله هذي انتم يا شباب .. تحذفون عمركم على بنات خلق الله .. عبالكم راح تضحك في وجيهكم .. الي ترفع الضغط*

سالم ( يضحك ) : ديري بالج لا ضغط يرتفع عندج .. ويصير فيج شي .. مو ناقص دعاوي انا .. كافي دعاوي حرمت ابوي ..

نوره : وانا شكو في حرمت ابوك ..*

سالم : شلون انتي شكوا .. لا انت شكو ونص .. تدعين علي .. وتبين اسكت .. حرام عليج .. انا فقير مسكين .. ( ويرسم علة وجه ملامح الانسان مسكين المكسور الخاطر )*

نوره ( ترفع راسه الى اعلى وتنفخ بما كان في صدرها من غضب) اسفه اخوي ..*

سالم : شنو ينفعني اسفج .. الحين .. لا خلاص انا المفروض اقط روحي من البحر الحين .. يالله مع السلامه تبين شي ابي احذف عمري ..*

نوره ( تاشر في اصبعها الى بحر الي كان خلفها امام مجمع تجاري ) هذا البحر حذف روحج هناك بس اذا حذفت روحك لا تنسى تذكر الشهاده ..*

سالم : أي يا سالم حتى ناس الغرب ما تبيك ..*

نوره : الحين انتي شنو تبي . ما تبي تموت روح موت وفكني ..*
سالم : زين ممكن خدمه قبل لا اموت ..*
نوره : شنو قول ؟؟
سالم : ابيج تين وياي عند البحر ابي اقولج شي !!!
نوره : لا والله .. بعد ما تبين احط ايدي في ايدك ونتمشى على البحر ..
سالم : والله هذا من طيبج اذا تبين كيفج ..*
نوره : اقول هذاك البحر تبي تروح روح .. تبي تموت موت ..*
سالم : يعني مو جايه وياي ..*
نوره :لا
سالم : اوكي .. انا نحاسه فيج ماني ميت .. شنو العمر بعزعه .. اهلي يبوني .. وانا ابيهم .*
نوره : وانت ليش متعبني وياك ملعوز راسي*
سالم ( سكت ) وقال : لاني والله حبيتج من اول نظره ..*
نوره لحظتها تفاجئة من كلام سالم سكتت وتلعثمت وردت الى وراى وراحت لي سيارتها .. ركبت سياره وعينها في عين سالم ما عرفت شنو تقول .. حركت سياره وراحت لي بيت وجلست في صاله تفكر .. بينها وبين نفسها ..*

شنو الي يخليني افكر فيه .. وشنو الي خله يقوله لي انه يحبني .. شنو الحب الي يجي من خمس دقائق ..( ابتسمت نوره) .. وقالت اكيد هو قالها لي بس يبي يجرني في كلام .. بس على مين .. انا نوره .. مو أي بنت .. وردت مره ثانيه وسكتت .. وقالت بس مدري شنو فيه خلني افكر فيه .. صج هو موحلو .. حليو .. بس مقرود دمه وايد خفيف .. ياليتني اشوفه مره ثانيه لكن بصدفه .. وفي قلبه تقول يارب اشوفه .. تكابر على روحها حتى وهي بروحها .. انسانه غريبه .. وبعد مرور اسبوعين .. وهي رايح لي جامعه شافت سياره هونده قديمه يطلع من مسجلها اغنيه خالد الاحمد يوم يغني (غالي غالي لو تبعد مهم يطول صد شوفت الحبيب ساعات عقب البطى تسعد .)

وتشوف ايد من وراى جام السياره تاشر لها وتقول لج .. حست في شعور غير طبيعي خله بدون شعور تروح في اتجه سياره .. والا تشوف سالم .. طلعته حولت تصدق روحها انه تشوف سالم من فرحه ما قدرت تقول شي .. وبسرعه غريبه حولت مزاجه من ابتسامه عريضه الى غضب وتصيح وتقول ..*
نوره : انت شنو تبي ما تقول ابي احذف روحي البحر ليش مات حذفت روحك يااخي فكني .. من ويهك لحقني هني لين جامعه ..*
سالم : شوي شوي اكلتيني في قشوري .. شفيج انهديتي علي هذا الشريط وطشنه من سياره يا اختي ما تسوى علي .. وفي هذه اللحظه السيارات الي كانوا في شارع .. تطق هرنات علشان سالم يوخر سيارته لانه مسكر درب الطلعه .. ولا يقول شوفي انا انطرج عند بوابه الجامعه ابي اقولج شي صار لي قبل لا انتحر .. تعالي ناطرج ..*
حرك سيارته وراح .. وبدون شعور ركضت نوره لي سيارتها .. ولحقته لين بوابة جامعه نزل الدريشه سالم .. وقال لها بسرعه لحقيني لانه شكلنا مو حلو قدام رايح وجاي .. وحرك سيارته .. نوره ما تدري شنو صار في عمرها .. لحقته لين ما وقف عند مقهى قريب من البحر .. ودش قسم العائلات ونوره كانت تمشي وراه .. لين ما جلس وجلست قدامه .. وهي في ويها علامات العجب واستغراب ..*

نوره : انت شنو . انت شنو سويت فيني .. انت شتبي مني .. علمني ؟؟
سالم : انا الي ابي منج هو انج سويتيه لي وخلاص مشكوره !!
نوره : شنو .... شنو قصدك انا ما سويت لك شي ؟؟؟
سالم : بعكس الحين انتي سويتيه .. انا دايم كانت اجي هني واتمنى هذه لحظه من كل قلبي .. صدقيني يا .. انتي صج شنو اسمج ؟؟
نوره : ( بسرعه ) نوره نوره ..*
سالم : عاشت اسامي حبيبتي نوره ..*
نوره بغضب شديد : حبتك القراده .. شنوحبيبتي نوره احترم روحك ..*
سالم : انا اسف حبيبتي .. سوري قصدي نوره ..*
نوره : المهم .. علمني شنو تبي مني ..*
سالم : تصدقين كل مره أي اهني تخوني العبره .. يوم اشوف اثنين يحبون بعض ويده في ايد حبيبته ويدشون هني .. نوره .. انا من زمان كنت احلم فيج .. من كنت صغير .. نوره انتي حققتي لي حلم عمري .. ومدري شلون اقدر ارد لج جميلج هذا .. نوره صدقني ..*
في لحظه هذه نوره .. وكانت انسانه ثانيه عايشه في عالم ثاني عالم كله حب ورمنسيه .. نست روحها .. وبدت تحس انها .. تميل لي سالم ..*

سالم : نوره .. انا صدقيني كل مره أي هني .. ودي ادش قسم عائلات .. مشكوره نوره انج دخلتيني هني .. والله يعطيج الف عافيه على فكره انا ما طلبت شي لا تبلشيني وياج .. يالله فرصه سعيده ..*

ويقوم سالم من مكانه ويطلع من مقهى ويجي في هذه لحظه القرصون ومعه منيو .. ويوقف يم نوره ويقول لها .. مساء الخير انسه .. شنو ودج تشربين .. عندنا جميع عصاير و انواع الشيشه ..*

نوره تصحي من غفلتها وصدمتها) مابي شي ما ابي شي .. وتركض لي سيارتها وهي تحول تفتح سياره وعيت باب يفتح ويها لانه نست تفتح القفل .. تسب في الباب وتصارخ وحتى ناس الي في شارع و مصافط استغربوا منها واذا في سالم يجي من بعيد .. لو سمحتي اختي .. الباب له مفتاح ولا نوره تصارخ وتقول*
نوره : انت شنو تبي .. شنو تبي ما ودك تدش في قسم العائلات .. ما دشيته .. اذلف عن ويهي .. اااااااا اااااا ذلف ..*
في لحظتها يتجمعون ناس .. على صراخ نوره .. واذا في سالم يقول لهم ..*
سالم : اسفين يا جماعه هذه زوجتي وهي مسكينه مريضه ممكن شوي بدون تجمعات .. ويتفرقون ناس .. ويمسك ايد نوره ويصارخ يالله ركبي سياره فشلتيني .. الله ياخذ هذه ساعه الي تزوجتج فيها .. ومن خوف ركبت نوره وسالم يمه يسوق سيارتها .. حرك سياره نوره في عين سالم ولا تعرف شنو تسوي ..*

سالم : اقول نوره وين ودج اوديج الحين ..*
نوره : تحول انه تتكلم ..*
سالم : ( يقاطعها ) لا تخافين انا في بالي مكان .. شنو رايج اوديج البحر ..*
نوره : هزت راسه بموافقه ..*

ويقوف سالم عند بقاله قريبه ويشتري لها ماي وعصير .. ويجيه حقها .. نوره خذي هذه هدي اعصابج .. نوره .. تبين الصج .. انا من ارتباك وخوف .. لانه صدقيني ما عمري في حياتي كلمت بنت ولا قعت معه بنت غير اهلي .. تصدقين اقعد ويه اختي وانا منزل راسي .. مو انا حيوي شويه ..*

نوره : (عد ما هدت اعصابه ) .. ممكن توقف سياره .. ابي اسوق انا ..*
سالم : أي حاظر .. ويوقف سياره ويركب يمه .. وهي تركب في كرسي السائق .. وتروح لي بحر .. وتوقف .. اقول .. انت شنو اسمك ..*
سالم : حزري فزري شنو اسمي .. اسمي من اربع احرف بس مو نوره ..*
نوره : مسكت ضحكتها .. وردت وكانه تصنعه انها معصبه .. خلاصني شنو اسمك ..*
سالم : اسمي سالم محمد علي .. وامي اسما حصه .. وكان ابوي يدلعها عايشه*
نوره : شنو انت خبل ولا شكلك جي ..*
سالم : مدري تصدقين هذا السوئل تكرر علي وايد ..*
نوره : في قلبها نقول ( احبك يا خبل ) وتصيح عليه تقول لها حمدالله وشكر ..*
سالم : نوره .. انتي ليش يت وراي وانا طالع من جامعه انا عبالي انج راح تطنشيني ..*
نوره : واذا طنشتك شنو راح تسوي ..*
سالم : صدقيني راح ازعل وايد وممكن ما اقدر انام ..*
نوره : لانك ما قدرت تدش قسم العائلات .. صح*
سالم : ممكن أي وممكن لا .. بس اظن لو ما قدرت عادي ايب خدمتنا .. وقص عليها وخلي الفتوره فوق راسه .. مسكين راح تنحرم من معاشه 10 اسنين لين ما تسدد الفتوره ..*
نوره : ما قدرت تمسك روحها من ضحك .. وضحكت لين ما دمعت عينها ..*
سالم : اااااااااااااااااالله .. وااايد ضحكتج حلوه ..*
نوره : (منحرجه ) .. مشكور ..*
نوره .. بس افرض اني مايت .. يا تره تي الجامعه في وقت طلعه علشان تشوفني ؟؟
سالم : أي اكيد علشان اخذ اختي .. شلون ترضين اختي ترد مشي مو معقوله ..*
نوره : في غضب يعني مو علشاني .. ؟؟؟
سالم : ليش خبل اطق درب من اخر الدنيا علشانج ؟؟*
نوره : وهذا الي يحبني .. حبتك القراده .. خذه والله ماني رده لك .. مالت عليك وعلى الي تطلع من كليه وتي وياك ..*
سالم : زعلتي حياتي .. انا خلاص اسف وانا نازل ابي اشوف باص 104 الحين أي يودينا بيتنا ..*
وينزل سالم ويروح حق شارع عام وتحرك نوره لين شارع عام وتصارخ حق سالم علشان أي لها ..*
سالم : يجي ركض .. نعم .. لا تخافين علي الحين بعد اربع ساعات يجي باص .. روحي حق جامعه .. لا دكتور يسكج حرمان .. وبعدين تزعلين علي .. انا مو ناقص دعاوي ..*
نوره : فدوه بس اركب يا خبل ..*
سالم : بعد خبل ..*
نوره : واحلى خبل بس اركب تراك احرجتني وايد ..*
سالم : يالله علشانج .. وعلشان الصعيد الي هناك قاعد يطلعني وخايف انه حاقد علينا يوم طقينهم في خيطان .. ويخطفني في باص .. تعرفين البشره البرونزيه مطلوبه هذه ايام .. وتضحك نوره .. ويركب سالم يمه .. وتقول نوره ...*
نوره : علشان احس اني كسرت في خاطرك .. اليوم انت وين ما تبي راح اوديك .. وكل شي على احسابي ..*
سالم : والله .. تكفين نوره .. امانه*
نوره : استغربت انها سالم طلب منه هذا طلب بصوره وكانه يطلبه منها بكل حزن ..*
.. اوكي خلاص*
سالم : ( يطالع ) دبدوب صغير معلقته نوره على منظره .. وينزله ويلعب فيه ..*
نوره وايد حلو .. هذا تصدقين يوم شفته عبالي انتي وانتي صغيره ..*
نوره : شنوو .. شنو انا وانا اصغيره .. تبين تشوفين وانا اصغيره .. بس ما تضحك فيني .. كنت دبوبه .. شوي ..*
سالم : يقاطعه .. يعني ما جذبت يوم قلت يشبهج ..*
نوره : بس عاااااااااد .. افتح جنطتي وراح تلقى بوكي .. وتلقى صورتي .. وانا اصغيره ..*

وقعد سالم يطلع كل الي في جنطه .. الله يعينج يا نوره .. كل الي في غرفه حطتيه في جنطها .. شنو خليت ايل لي غرفه .. اظن غرفتج الحين فاضيه ..*
نوره : هههههههههههههه .. شفيك علي اليوم مو بس انا كل بنات .. ولحظتها رن تليفون نوره .. بدون شعور صكت تليفون وطفت الجهاز وقطتها في درج ..*
سالم : شفيج ليش ما رديتي عليه ..*
نوره : انا لك اليوم مو لي احد ثاني ..*
سالم : ينزل راسه ويقول .. مشكوره*
نوره : تطالع سالم في استغراب .. شدعوا مشكوره .. شفيك تقولها بدون نفس ..*
سالم : لحظه وقفي هني .. هني خوش مطعم يبع خوش كباب ما ودج نتغداء ..*
نوره : انا ما تريقت علشان اتغداء ..*
سالم : عادي يا معوده .. كله اكل وكله يسد يوع ..*
نوره : بس انا*
سالم : لا بس ولا شي .. وقفي لا احذف روحي من باب .. انا ما تحمل ريحت كباب .. تكفين*
نوره : تحس في شي في قلبه ما تدري شنو .. تخليه توافق على سالم على طول .. وكانه تحس انه فيه شي .. ما تدري شنو ..*

في طاولة اكل وسالم ياكل بي شهيه ..*

نوره : تطالع سالم ,, وتقول .. سالم والله العظيم انا حاسه انك فيك شي ..*
سالم :يسكت: لالا ماشي .. انا شبعت وانتي؟؟
نوره شبعت : ويطلعون*

عند سياره ::::

سالم : نوره تشوفين هذا البحر ..*
نوره : أي*
سالم : تدرين بكثره احبك ..*
نوره : حبتك عافيه .. قالته وهي منحرجه وايد ..*

نوره : ممكن سؤال ..*
سالم : أي تفضلي ..*
نوره : انت صج .. عندك اخت في جامعه ..*
سالم : يسكت .. وياخذ نفس عميق .. سالم يالله نكمل مشورنا ..*

ويقعدون يفترون طول اليوم لين ما غابت شمس .. وتقول يالله ابي اوديك عند سيارتك .. لاني وايد تعبت من فرفره .. صج جلستك ما تمل .. لكن وايد تعبت سالم .. سالم : ايل وديني حق مكان ثاني ما ابي سيارتي لاني من اليوم مو محتاج لها ..*

وقعد يوصف لها .. لين ما وصلت .. لي مكان كبير ووسيع حيل .. ومبنى ضخم . في وسط الكويت اسمه مستشفى حسين مكي لي امراض الخبيثه ..*

نوره : وين بيتكم ما اشوفه ؟؟
سالم : .. قال .. بيتي هناك فوق الدور الرابع غرفه رقم 14 امراض السرطان ..*
نوره : سكتت من صدمه .. ولا قدرت تقول شي ..*
سالم : نوره .. صدقني اليوم احلى يوم قضيته في عمري .. ياليتج يت من زمان يا نوره .. تذكرين يوم شفتج .. كانت منحاش من مستشفى .. وقعت افتر .. وانزل من باص لين باص .. لين يت لحظتها .. في ويهج .. صدقيني حبيتج من اول نظره .. ولا قدرت اقول شي .. كل الكلام الي قلته .. بدون شعور .. لاني ما عمري في حياتي .. كلمت بنت وقعت اغازلها .. لاني ما اعرف اغازل .. نوره .. الله يسعدج مثل ما استعيني اليوم .. ونزل سالم ونزلت نوره وراه .. صعد سالم من اصنصير وصعدت نوره على الدري .. وريولها ما تقدر تشيله .. راحت وشافت الممرضات وقالت لهم وين الطبيب المناوب .. ودخلت عند طبيب وقالت ..
نوره : مساء الخير دكتور ..*
دكتور : مساء النور ..*
نوره : دكتور جيت لك ابي اعرف شلون صحة المريض سالم محمد علي ..*
دكتور قام من مكانه ) هذا لين الحين عايش .. مستحيل هذا منحاش من غرفة عنايه المركزه .. هذا المفروض ميت ..*
نوره : انصدمت من كلام الدكتور .. دكتور انت شنو قاعد تقول .. هو وياي طول اليوم ولا شفته حتى يقول كلمه أي .. شلون يكون ميت .. تكفى دكتور تعال شوفه ..*

يذهب الدكتور ويه نوره في غرفة الي فيها سالم .. وهو منسدح على فراش يعتصر من الم الي تجمع في جميع صدره .. يحول ان يكتم اصراخه وهو يضم صورة نوره ودبدوب الصغير بين ايدينه .. فجت باب نوره واذا هو يغير شكله من حال الى حال ثاني .. ويصنع ابتسامته ويقول حق نوره*
نوره : تصدقين والله يشبهج دبدوب وانتي صغيره .. تعالي شوفي*
نوره : ( تنزل الدمعه من عينه ) أي صح مبين حيل .. وتقعد نوره يم سالم ويخرج الدكتور .. ويشوف وحده من ممرضات تناديه ..*
الممرضه : دكتور .. ندخل الغرفة عنايه ..*
دكتور : اذا بعد جم ساعه عاش سالم دخلوه لاني ما اظن راح يتعدى ثلاث ساعات عايش .. بس غريب مرضه الي فيه عذاب ولا يبين فيه .. شنو انسان هذا .. شنو قوة تحمل الي يتحمله .. سبحان الله !!!*

في غرفه ..*

نوره : سالم .. انت ليش حبيتني ..؟؟ علشاني حلوه ولا شنو؟؟
سالم : تدرين انتي اول حب في حياتي .. حبيتج وراح احبج لين اخر لحظه في عمري .. وتنزل الدمعه وتغرق صوره الي كان يطالعه سالم ..*
نوره : انت تبجي سالم ..*
سالم : نوره انتي حلوه وايد .. وصدقيني انا اليوم استانست وايد .. تدرين يوم شفتج في جامعه .. تره ما عندي اخى ولا شي .. انا كنت افتر في شوارع مدري شنو الي دخلني الجامعه .. نوره تذكرين يوم قلت لج كنت ابي انتحر .. صدقني كنت ناوي صج انتحر .. يوم قربت من البحر ابي احذف روحي .. شفت ويهج على شوطئ البحر .. ابتسمتي لي .. وقعت طول الليل اطالعج في بحر صورتج تحركه امواج بحر ويتحرك قلبي شوق لج ..*

ما تحملت نوره الكلام .. اركضت لين باب الغرفه .. وسدت باب وراه وقعدت تبجي من خلف باب .. وركضة تحول تخفي دموعه لين ما اوصلت لين سيارته .. واذا تسمع صوت يناديه من فوق .. واذا في سالم يناديه من دريشه نوره نوره نوره نوره
اللتفت نوره لي سالم وقالت هلا سالم*

سالم : احبــــــــــــــــــــــ ــــك يا نوره وياشر في دبدوب و صورته بين ايدينه ويصيح مره ثاني احبــــــــــــــــك يانوره ..*

نوره : احبك قالتها في صوت خفيف .. واذا فيه ترفع راسه له .. وتقوله لي اول مره في حياته .. احبـــــــــــــــــــــك يا سالم .. احبـــــــــــــــــك احبـــــــــــــــك احبــــــك*

يسكر سالم دريشة الغرفه ولا يقدر يتحمل زياده عذاب المرض يتلوه في غرفه ويصيح على ممرضات .. تتجمع الممرضات على صراخ سالم .. ومهم ما يعرفون يسون له شي لانه خلاص وينادي سالم لي وحده من ممرضات ويقول لها عطيني ورقه .. وتجيب له ورقه الممرضه وتسكر باب غرفه وتختلط صراخه بين الم و بجي ..*

ساعه 7 الصبح .. قامت نوره من نومه على كرسي غرفته .. حولت تلملم نفسه علشان تروح حق المستشفى تشوف سالم شنو صار فيه ..*

وصلت نوره لين مستشفى واذا في ممرضه المناوبه تنتظر نوره .. وقفت يوم شافته .. وقالت اكيد انتي نوره ..*

نوره : أي نعم انا نوره وين سالم*
الممرضه : نزلت راسه وقالت .. سالم مات امس ساعه 12 بليل .. مات وهو ماسك في ايده يمين صورتج وفي ايده يسار دبدوب هذا ورقه هذه يم راسه ..*

مسكته نوره الورقه في ايد مرتعشه .. ما عرفت شنو تقدر تسوي ولا شنو تقول*

مكتوب فيها في خط متعرج .. وخفيف سطرين .. قال فيهم ..*

نوره احبك واحلى ايام عمري قضيته وياج .. الله يسعدج دنيه واخره مثل ما سعتيني اليوم .. احبـــك يانوره ,, على فكره صدقيني تشبهج ..*
سالم .*

خرجت نوره وفي ايدها الدبدوب وايدها ثانيه صوره و ورقه .. ركبت سيارتها .. وجلست على كرسي وقعدت تناظر الصوره ودبدوب وتنزل دمعه من عينه صج يا سالم صدقت تشبهني .. وتحتظن الصوره ودبدوب وورقه وتقعد تبجي لين ماجفت الدموع وانشق القلب على حبيب غالي وقبل لا تحرك سيارته قالت الله يرحمك يا سالم والله انت عزيز علي واعز