اذا كان بطولاتهم بهذا العدد ؟ لماذا اعلامنا الهلالي لايفعل مثلهم !!!
قبل قليل وعلى قناة اكشن مع وليد الفراج ,, ظهر الغثيث محمد العنزي وهو من الذين بلينا بهم في الفضائيات
ومن الذين يأتون بهم اصحاب القنوات للاستخفاف بالمشاهدين ؟
طرح عليه وليد الفراج سؤال من احد لمشاهدين وقال له : ماعرفنا يامحمد مره تقول النصر ملكي ومره الاهلي ؟
فأوهم انه لايسمعه فقال وليد الفراج تسمعني يامحمد فقال والله ماسمعك ههههههههههههههه اعجبتني .
ورجع وليد وسئله هل النصر فعلآ حقق 14 بطوله دوري , شطح محمد العنزي وصرف الموضوع وقال عدد بطولات النصر 36 هههههههههههههههه طبعا يقصد بطولات المناطق وبطولة البابا وتعرفون منهو البابا ؟
يااخوان ابي اعرف الى متى ونحن نسمع منهم ومن الاتحاديين والاهلاويين ان عدد بطولاتهم اكثر من التي مسجله في الاتحاد السعودي ,, طيب لنفعل مثلهم ونحسب بطولاتنا مثل حسابهم الى متى ونحن نطرح وجهات نظرنا لهم ونقول لا عدد بطولاتكم غلط وغير مسجله طريقة الجامهم وردهم الى عدد بطولاتهم الحقيقه هي حساب بطولاتنا الغير متعمده وراح يجن جنونهم لانه على مااذكر انها تجاوزت حاجز الثمانين بطوله فتكفون يازعماء نبي مواضيع في المنتدى ونبي مواضيع في تويتر والفيس بوك لتصل الى رجال الهلال واعلاميين الزعيم .
_ نقطه مهمه اتمنى الكل يستفيد منها اذا كنت على صواب ,, وهي غياب الهلال عن البطولات 13 سنه من عام 1384 الى 1397هـ .. اذا كان حساب النصر والاتحاد والاهلي لبطولات المناطق والغير معترف فيها فالهلال لم يغب 13سنه لانه حقق بطولات مناطق في هذه الفتره فلهم الخيار اما ان يبتعدو عن حساب بطولات المناطق ويقولون الهلال غاب عن البطولات واما يحسبونها ونحن نحسبها ونعتمدها من الاتحاد السعودي ونقول نعم غبنا 13 سنه ولكن ايام الملاعب الترابيه ؟؟
تحياتي واعذروني كتبت الموضوع بسرعه .
