يا هل الخبره والنضام افيدوني وش اسوي مع مديري - الفروقات حقنا وهدفنا

السلام عليكم يامعشر المعلمين اكتب المشاركه وانا الضغط عندي مليييون من المدير حقي

باختصار انا صرت اكمل في مدرسه تكميل كاااااااااامل اتوقع اسمه انتداب يعني طول السنه في

مدرسه ابتدائيه ادرس الرياضيات وانا في الاساس فيزياء ثنوي تقولون ليش اقولكم ادور القرب

من البيت وكلكم عارفين الوضع المهم صرت عند مدير لكم الله عنه سيء لاقصي درجه وانا

مازكي نفسي لكن الحمدلله يعلم الله اني ادي عملي في امانه لاحضت الرجل انه يتصيد

الاخطاء ويدور علي اي زله يعلم الله اني ماكنت اتوقع انه هالنوعيه من الرجال موجودين لين

قابلت هالشخص مابي ادخل في التفاصيل والاشياء الي يسويها لكن تفاجئت انه معطيني اداء

وضيفي 80 تخيلو يا جماعه 80 بالميه يعني فوق ضغط الحصص عندي 22 حصه والمشوار الي

كل يوم اقطعه رايح جاي يعطيني هالاداء ومدخله الوحيد علي يقول انت متاخر في المنهج

اسبوعين وفعلا متاخر لكن اسبوع كان دوره في ادارة التعليم واسبوع غبت مرافق للوالد الله

يحفضه بالرياض في المستشفي الحين وش الحل مع هالنذل مع العلم اني رفضت التوقيع قال

ترا بجيب لك المتابعه والمشرف المنسق قلت ماعندك مشكله خليهم يجون معقوله في احد

مايعرف يدرس ابتدائي الطرح والجمع والسؤال مره اخري رجاااااء وش تنصحوني فيه هل اتجه

لادراة التعليم الي اتبع لها او اطلب نقل من المدرسه وارجع لمدرستي الاولي انا قرفان من

العمل مع هالشخص لابعد درجه ولا عاد اطييييقه يا اخوان ارجوكم اعطوني الراي الصحيح مع

العلم اول مره في حياتي ادرس ابتدائي يازين الثنويه بس لكن الحض وش اقول بس