كله منك .. أنت السبب :( خليتني أحبها وأعشقها ..!

.

إلى أن وصلت بالدراسة للصف الثالث الإبتدائي ما كان لي ميول ولا متابعة لأي شيء اسمه كوره
وكنت أسمع العيال بالمدرسة يتهاوشون هلال ونصر ولا لي أي دخل بالسالفة .. !

لين جاء ذاك اليوم كنت بالصدفة عند التلفزيون وكانت مباراة للهلال ..
صدقوني ما شدتني المباراة بكبرها ، لأني وقتها ما لي بالكورة أصلا وغير كذا صغير ما أفهم كورة زين ،
بس كل اللي أعرفه هو نظامنا بحصة الرياضة أحسن لاعب هو اللي ما تنقطع منه الكوره بسرعة :razz:
عشان كذا وأنا أشوف المباراة كل اللي لفت نظري شيء واحد بس ..

اللاعب رقم ( 15 ) .. !


http://www9.0zz0.com/2012/03/08/16/837645136.png


ما حفظت اسمه زين من المعلق ورحت من بكره أتأكد من العيال وش اسمه بالضبط !
قالوا مهبول أنت هذا ( يوسف الثنيان ).. !


http://dc04.arabsh.com/i/00763/vdmdr1yoi6a4.gif


ومن بعدها تابعت الهلال وتابعت الكوره أو بالأصح تابعت يوسف الشخص اللي حببني في شيء اسمه كوره ،
والشيء الأكيد إنه بحصة الرياضة في رابع ابتدائي فيه أكثر من شخص يلبسون تي شيرت الهلال بالرقم ( 15 )
ومن بينهم أنا ..!


http://www7.0zz0.com/2012/03/08/16/435455614.jpg

يا جماعة حتى دعاية سلكي لا سلكي لها وحشة :tr:

وأذكر واحد من العيال اللي كانوا يلبسون تي شيرت يوسف ، جاء بلنتي وشاته وضيعه !!
ويجلسون يضحكون عليه العيال يقولون ( الثنيان ويضيع بلنتي :d


http://media.alhilal.com/video/images/yusef76.gif


من قوة خقتي مع هالآدمي أذكر بعدها بسنتين جاني أخو فقلت للوالد أقترح تسميه يوسف أحس إن الاسم حلو < مسوي لي بريء :razz:
لكن الوالد كفش السالفة وقال لي ياولد اعقل .. !!

أنت خليت فيها عقل يابو يعقوب :to:
اللي تسويه بالملعب أقرب للجنون والاستهبال منه إلى كرة القدم .. !!


http://media.alhilal.com/video/images/yusef104.gifhttp://media.alhilal.com/video/images/yusef119.gif

http://media.alhilal.com/video/images/yusef90.gifhttp://media.alhilal.com/video/images/yusef17.gif

http://media.alhilal.com/video/images/yusef114.gifhttp://media.alhilal.com/video/images/yusef77.gif

http://media.alhilal.com/video/images/yusef70.gifhttp://media.alhilal.com/video/images/yusef69.gif


تخصص مسخرة بالمنافس ! تلعب الكوره لأجل تستمتع وتمتع الجماهير فقط !
حركات كنت تسويها ما شفناها قبلك ولا شفناها بعدك إلا بعشر سنين يوم طلع رونالدينهو وطقته .. !


http://media.alhilal.com/video/images/yusef66.gifhttp://media.alhilal.com/video/images/yusef64.gif

http://media.alhilal.com/video/images/yusef58.gifhttp://media.alhilal.com/video/images/yusef30.gif


http://media.alhilal.com/video/images/yusef27.gifhttp://media.alhilal.com/video/images/yusef25.gif

http://media.alhilal.com/video/images/yusef18.gifhttp://media.alhilal.com/video/images/yusef23.gif


مواصفات متكاملة في كل شيء ما شاء الله ، مهارة خرافية ، سرعة عالية ، تسديدات قوية بكل القدمين ،
ضربات ثابتة ، أسيست أنت وضميرك بالتخصص ، قيادية ، أهداف بكل الأشكال ، وش خليت للكورة يا رجل ؟!


http://media.alhilal.com/video/images/yusef102.gif
http://media.alhilal.com/video/images/yusef49.gif
http://media.alhilal.com/video/images/yusef103.gif


فعلا الكورة نسّمت بعدك يابو يعقوب .. !


،


http://www12.0zz0.com/2012/03/08/23/179153876.gif

^^ من ينسى هذي الصورة :ba:
ومن ينسى مباراة الترجي آآآآخ يا ذيك المباراة :cry:
مباراة لا يمكن أن تمحى من ذاكرة الجمهور الهلالي ،،
سوّى فيها أبو يعقوب كل شيء :to: من كثر ما دوّخهم أذكر محمد البكر يقول بعد ما سحب يوسف بواحد
وسحب ذاك فنيلته قال البكر هذي الطريقة الوحيدة لإيقاف الثنيان :to:
وكمّلها أبو يعقوب بذاك الهدف ياااا ويل حالي :crybaby:




http://media.alhilal.com/video/images/yusef65.gif

http://img12.mediafire.com/b4ffcc6b7...9ec0039f4g.jpg


،


http://www.m5zn.com/photo_files/2011...ea45gy1l3e.gif

أما الصين وما أدراك ما الصين :to: إذا قلنا مباراة الترجي ما ينساها جمهور الهلال ،
فـ مباراة الصين لا يمكن أن تنساها ذاكرة الجمهور السعودي بكبره وذاكرة آسيا كلها :ba:
الدقيقة 29 ، المنتخب مهزوم 2 - 0 ، ينزل أبو يعقوب مكان محمد شلية ،
ولأنه أبو يعقوب فالموضوع ما احتاج إلا دقيقة وحده بس عشان يسجل الهدف الأول :to::smilie47::smilie47:
وتنقلب بعدها المباراة رأسا على عقب لصالح المنتخب ، وكلها دقيقتين والتعادل جاي عن طريق سامي ،
وقبل ما ينتهي الشوط والمنتخب متقدم 3 - 2 بهدف المهلل ..!!
وش صار في المنتخب عشان يقلب النتيجة من خسارة بهدفين إلى تقدم بثلاثة في الشوط الأول ؟!
أبد ما صار شيء بس اللهم نزل كبتن وأسطورة وظاهرة في وسط الملعب وحوّل بوصلة المباراة :smilie47:
وعشان يؤكد هالكلام أبو يعقوب وزي ما افتتح النتيجة في الشوط الأول ، أيضا اختتمها بهدف الفوز
في الشوط الثاني ..! ومب أي هدف ! إلا هدف من ماركة أبو يعقوووب :crybaby:




http://dc07.arabsh.com/i/00838/z0isqwu651dq.gif



،


بالرغم من عشقي القديم ليوسف إلا إني ما حصل لي فرصة أقابله إلا بعد ما اعتزل ،
شفته بعد مباراة تكريم عبد الله الشريدة في نادي الهلال ..!
وعلى طاري هالمباراة فيه بعض المواقف صارت فيها وما يخلو أبو يعقوب من المواقف :d
أذكر فيه كوره حسبها حكم الخط ضربة مرمى لفريق يوسف ، ويوسف يقول إنها أصلا كانت تسلل
وعيا يلعب ضربة مرمى :to: ثبّتها برى المنطقة ولعبها على إنها تسلل :s2:
غير كذا أذكر من لمساته جته كوره عاليه ومن دون تثبيت مررها لزميله بركبته :to:
يا ساتر وش بقى ما سواه ذا الآدمي :s5s:
حتى أذكر في وحده من الهجمات كان ظهيرنا الأول ياسر إلياس متحمس تعرفون يلعب قدام الثنيان وحركات
وتجي كوره مع يوسف ويقطعها وشكله طار من الفرحه ، لكن المسكين تحسف قال ليتي ما قطعتها
لأنه الهجمه اللي بعدها أخذ الكوره يوسف وراح باتجاهه ، يعني باختصار يبيييه :s2:
ويسوي ذيك الحركه ويشق فيه كبري ويطيح وجه الولد والجمهور خذ يا ضحك :s2:

عاد بعد المباراة كانوا اللاعبين يطلعون مع البوابة الرئيسية وكان فيه جمهور كبير بانتظارهم ،
أنا يوم شفت الجمهور كذا قلت أكيد يوسف بيطلع من الباب الصغير ورحت وقفت عنده ،
وفعلا جاك يوسف مسوي ذكي مب داري عنه أحد ويطلع وكان ياكل شابوره :d
وأمسكه وأسلم عليه وألتفت أدوّر خويي أبيه ياخذ صوره ما لقيته ، وألقى واحد معه كاميرا
واقف قدامنا قلت بالله صورة يالحبيب ، ويلقط ذيك الصورة ويروح ، وإلى يومك مدري وين هالصورة :d
مدري ليش قلت له صوّرني بس يالله :d
المهم إنه على طول كلها نص دقيقة ونسمع ذاك الواحد يصارخ برا هذا يوسف طلع وما درينا
إلا وأمة محمد داخلين للممر وامسكوا أبو يعقوب وطبوا عليه حول ثلاثين نفس لين بغى يختنق المسكين
وأنا ما عاد أشوفه بس أسمع صوته يصارخ يقول اصبروا ياخي اصبروا حرام عليكم :s2:
ما صدق فكوه ويزبن داخل :s2:
والسالفة تقودنا للحديث عن جماهيرية أبو يعقوب :ba:


،


يوسف والشعبية الطاغية

فيه عدد من النجوم في السعودية يمتلكون شعبية كبيرة لكن الحقيقة إنه مافيه ولا لاعب عليه إجماع ،
إلا لاعب واحد بس ( يوسف الثنيان :smilie47:
اترك الجيل الجديد اللي يسمعون فيه بالاسم يمكن بعضهم ماعمره شافه أصلا ويسمع إنه لاعب هلالي
وهو طبعا ما يشجع الهلال فما يعترف بهالشيء ، لكن كل من يعرف يوسف من كل الميول السعودية
يجمعون أنه أسطورة لا يمكن أن تتكرر ، وتستطيع أن تكتشف هذا الشيء عن طريق اليوتيوب مثلا ..!
ناظر أي مقطع لأي لاعب وشف الهواش بالتعليقات تحت وقلة الحياء والتلعين :d
لكن مقاطع أبو يعقوب تشوف جميع الميول كيف منبهرين من هذه الظاهرة الكروية :smilie47:

كم أنت كبير أيها الأسطــ15ــورة


،


أما الجانب المحزن من تاريخ يوسف ، فهو الظلم الذي تعرض له من أولي القربى ..!
فبدلا من أن يسمحوا له بالذهاب إلى أوربا ويفتخروا به أمام العالم أبلشوه بالإيقافات والمهازل .. !


في النهاية :

الكورة مهب كيمياء ولا فيزياء ، نشوف الآن الدوريات الأوربية الكبرى ونشوف أفضل اللاعبين فيها ،
أبغى شخص محايد ومنصف يشاهد المقطع في الأسفل ويقولي كم لاعب بأوربا الآن يقدر يسوي زي كذا ؟!



( يوسف الثنيان :smilie47: شكرا يا من علمني عشق الكرة )

استمتعوا إلى نهاية المقطع
?مهارات حصرية لـ يوسف الثنيان HQ?‎ - YouTube


مع الشكر للأخ 3asheq_y15 على المقاطع

لـن ألـقـاكـم فـي مـسـيـرة أي لاعـب بـعـده ..!




15