لا ضاق صدرك وزاد الضيق واحراجه

اغنام - ابل - دواجن - طيور

لا ضاق صدرك وزاد الضيـق واحراجـه

سج القـدم والفيـاف الخاليـه دجهـا



ابعد عن الضيق واقطع مصدر ازعاجـه



وكم ناس ماتت قبل تقضي حوايجها



وعلى قضى حاجتك رب البشـر ناجـه



الله هـو اللـي ليـا ضاقـت: يفرجهـا



وان شفت امورك ماهي معتدله ومنعاجه



ساير امورك علـى الراحـه وعالجهـا



والرجـل يعـرف بمدخالـه ومخراجـه



ولاتقبل النفس غيـر اللـي يخارجهـا



والناس للنـاس عنـد القـل والحاجـه



كم ناس ناس من الأزمات تخرجها



وخاو الذي كالبحر بالطيـب و امواجـه



واتـرك ضعـوف الرجـال ولا تهرجهـا



رجل لياجيت يمـه اطلق احجاجه



ماهـو مـن اللـي سواليفـه يعوجهـا



واللي مخالفـك فـي رايـه ومنهاجـه



قربك منـه يتعبـك والنفـس يزعجهـا



وبعدك عنه يبعـد الهاجـوس وعلاجـه



لا تجبر النفس فـي قربـه وتحرجهـا



لوتسكن أرض دهور ولاحد داجه



أرض خليـه تبيـح سـد دايجـهـا



ولوما وصل برهـا الجـوال وابراجـه



اخيـر مـن عشرت قشـرا نتايجهـا


منقول