شعر تعال الى حيث مميز المميز ( 11666 ) والمميزون كثيرون
جمعة مباركة على الجميع
والرقم ها اليوم فيه ثلاث ستات بعد الحدعشر وأرقام مميزة أخرى 5522 وكذلك 10910 و 6565 شوفها راعينها مين وهي للبيع ولا
من على مرقـاب يمعـن بالنظـر
لـه سهـامٍ مالهـا أبـدًا مثيـل
شوف عيني يافـعٍ يسبـر سبـر
كامل الأوصاف نقّـاض الجديـل
جامـحٍ كالصيـد رقـاي الوعـر
هايـمٍ مستشـرفٍ عـوده نحيـل
فاطـنٍ مستنبـهٍ حــذرٍ فــرر
مرْ خايف من مثـل قالـوا وقيـل
مايبـي أهـل المـدن والمستقـر
عشقه البـرّان والشـفّ العليـل
من وصوفه كنـه الظبـي العفـر
لا بدا لـه زول أصخـر بالجفيـل
درةٍ مكنـونـهـا كــلــه درر
لفّها ثوبٍ طـرازه مـن خميـل
مايشابهـا ولا نــور القـمـر
لا ظهر بين السحايب وقـت ليـل
مالها توصيف مـن بيـن البشـر
كاحلة بالزين والطّـرف الكحيـل
ترقب القناص في لمـح البصـر
والهـدب لجفونهـا ظـلٍّ ظليـل
صيرمية بنـت شيـخٍ لـه قـدر
رزّةٍ بالطـول والشعـر الطويـل
أجوديـة مـع تباشيـر الفـجـر
نجرها تسمع دنينـه لـه وليـل
بدويـة ماتحـب طبـع الحضـر
نرجسيّة مـا تعـرف المستحيـل
تستثير الوجـد بابيـات الشعـر
كل يـوم الهـا جريـحٍ أو قتيـل
تستجـم بريحـة أزهـار المطـر
تعزف لحون الِحدا من عذب قيـل
الطيور صفوف مع بنـت المطـر
تستمع للقـول واللحـن الجميـل
كل ما مرّت على غصـنٍ خضـر
هاضت الأغصان تطلبهـا المقيـل
لو وطت باقدامهـا جـدبٍ زهـر
لو تناظر للسّمـا تخجـل سهيـل
لو تغيب الشمس في ليـلٍ ظهـر
نورها يطغى على الليـل المِهيـل
لو يديها لامست سطـح الصخـر
ذابت الصّخـرة وحنّـت للمسيـل
تستشـف الـود وتصـده قهـر
لين يرجـع مـن تخيلهـا ذليـل
كل مـا غضيّـت طرفـي اعتـذر
قال مقـدر كـان تقـدر يابخيـل
جيت أسولف كـل مافينـي خـدر
خانني التعبيـر ولسانـي ثقيـل
لو حصرت وصوفها وأبغى اختصر
ضاع توصيفي وضيّعت الحصيـل
