تحليل الكروموسومات تعالوا قولولي شسوي

انا عندي طفلين بخير ولله الحمد وطفل عنده اعاقه والحمدلله على كل حال

وطبعا عندي اربع اسقاطات في اول شهور الحمل والله يعوضني خير

بعد ولادة طفلي المريض كنت خايفه بصراحه يتكرر هذا المرض

طلب الدكتور نسوي تحليل للكروموسومات انا وزوجي مع ان مافيه قرابه بينا

المهم طلع تحليلي سليم ولله الحمد وزوجي طلع سليم بس عنده الكروموسوم 16 طويل مو خلل سليم بس يشكله اطول من باقي الكروموسومات

والدكتور لما شافه قال يمكن يكون هو سبب الاسقاطات الي صار ويمكن لا
ويمكن يكون سبب الطفل المريض ويمكن لا
مانقدر نجزم انه السبب لان مافيه دراسة وحدة اثبتت ان المشكلة هذي تسبب اعاقات لاقدر الله
بس عندكم حلين اما اطفال انابيب ودراسة للاجنه نختار السليم منها ونرجعه للرحم
او حمل طبيعي بس في الاسبوع 12 نسوي تحليل للسائل الامنيوسي ونشوف

الحين انا حدي خايفه من اطفال الانابيب وابر تنشيط وحبوب وعملية وانا سليمه ولله الحمد

وفي نفس الوقت خايفه احمل طبيعي ويصير في حملي شي لاقدر الله

زوجي يقول احنا ربي رزقنا بطفلين وطبيعين ربي يحفظهم خليها على الله

بس محتارة مادري شسوي

تكفون الي عندها تجربة من هالنوع تقولي الله يجزاها بالخير

وللمعلومية طفلي الي اقولكم عليه متلازمة داون ربي يشفيه ويعافيه