الله ييسر امورك فسريلي حلمي

السلآم عليكم ورحمه الله وبركاته

بيـآناتي
بنت عزباء - طالبه

حلمت حلم ان دخل بيتنا حرامي وكنت ف بيتنا فوق شفت واحد غريب داخل البيت الا هو الحرامي شافني ع نص الدرج قمت اصارخ طلعت امي واخوي من الغرفه وكأنه الحرامي موراضي يطلع بس عطا اهلي شامبو وقال هذا لي ! وكان لونه بنفسسجي وفيه زري بعدين نزلت انا تحت قالتي امي هذا لج قلتلها شامبو !
بعدها قالتي هذي سلسلتج البسيها وكانت لونها ذهبي كلهاا حلقات ماكنت مقتنعه فيها لكن لما لبستها شفتها جميله انا مشبهه السلسال بالذهب
وبـس بعد ماجلسست من نومي كنت مستغربه من السلسال
وبــس


حلمي الثاني
حلمت اني كنت اسولف معا ولد عمي اهو يدرس برا الديره قلت له افتح لي الكام ابي اشوف كيف صاير سكنك فتح لي الكام وشفت سكنه طلع برا بالحوش تحول الحلم الى اني معاه كان في كذا 3 كلاب الوانهم ثلجيه قلت له ماتخاف منهم قال عادي مايسوون شي بعدين مسكت يده قلت له انا خايفه عليك منهم
بعدين كنت طالعه معاه بالسياره وكان المكان مظلم يعني على ضوا القمر بنص الطريق قلتله وقف نزل من مكانه وجا عند بابي لقاني ابكي قالي ليه تبكي قلت له لاتروح قالي .. شي موذاكرته لما فتح بابي كنت اطالع نجووم وانا اتكلم له بس قال تجيبين لنا اولاد بما معناه في الحلم اتزوجه بعدين رحنا بيتنا وكان مو بيتنا نفسسه الحقيقي فيه بس غرفه وسرير لقيت ابوي متمدد ع السرير وولد عمي كان جالس جنبه قاله ابوي شي سئله عن احد عمامي بس موذاكره شنو بس ولد عمي كان يرد وماله خلق .. بعدين امي نادتني قالتي انتي تروحين وتجي معا ولد عمك داخله طالعه ماتزهقي قلتلها ولد عمي مو واحد غريب وكأنه سمع هالكلام الي امي قالتها وزعل وبعدين انقلب الحلم الي اني انا وابوي وولد عمي وامي يمكن مو متأكده بس الي اذكره قال ولد عمي انا بعد احبها زي ماهي تحبني بس ماكنت متأكد قبل منها

.....

ادري بتعبك بس هذي احلامي كلها كانت في نفس الاسبوع

قبل هالحلم الي حلمته لقيت ولد عمي في بيتنا جالسس بالغرفه وكأنه كان محاسب يشتغل !
كأنه كان ينام في غرفه في بيتنا ب الحلم قلت بروح اجلس معاه لبسست شي ساتر ورحت جلسست معاه بعدها قال انه بينام جيت اسكر الباب عشانه بينـآم مسك يدي كنت مستغربه منه بعدين استحى مني وفك يده وكانت لي رغبه ارجع امسك ايده ! مدري كيف

وبنفس الحلم شافني ابوي قالي عيب تجلسين معا ولد عمك وهزئني وقالي ان شفتج رايحه
ويوم ثاني لبست شي ساتر نفس الشي ورحت الغرفه ولقيت اخوي جالس معاه ونفس الشي هزئني !

وجلسست من نومي وانا حيييل مستغربه منـه ولد عمي خجول مافيه جرائه كذا


وبــــس اتمنى تفسريلي حلمي