كان الله في عونك يا هوساوي......والله اني احبك

بسم الله الرحمن الرحيم

السلام عليكم ورحمة الله وبركاته

اولا :انا افتخر باني احد اعضاء هذا المنتدى اللي بصراحه يوميا ما استطيع الاستغناء عنه ابدا.
ثانيا : تدرون وش اللي خلاني اشارك وهي المره الاولى في تاريخي ؟؟؟؟،،،انه اسامه هوساوي .
لاني اعرف قدراتي واني لا اقرن بأمثالكم ماشاءالله تبارك الله
لكن هالمره اسمحوا لي ان اكتب في هذا المنتدى مما اجده في نفسي من قهر على هوساوي

معاكم عيسى من المدينه عمري 19 سنه.

صلب الموضوع : انتقدتوا ياسر وسويتي حملات ضده مما جعلني افكر في ترك هذا المنتدى
ومن بعده الفريدي وانه تعاقد مع وكيل اعمال ما شفت منكم اللي دافع عن الفريدي وعلى ما اعتقد ان شافي الدوسري وقع مع نفس وكيل اعمال اللاعب احمد الفريدي ولا شفت اي احد انتقد ولا اي طاري والان اسامه هوساوي
اسامه صحيح نقدر نقول ضيع علينا ثلاثة نقاط لكن والله ما الومه
عنده ماجد المرشدي تعبان والزوري تعبان يعني هوساوي هو الدفاع بأكمله ومع ذلك مايقصر دايما يسوي اللي عليه لكن مادري وش اقول عن هوساوي من عدة مواسم تقريبا خطأين ماشاءالله تبارك الله
انا اللي نرفزني بشكل مو طبيعي ان بعضهم يقول هوساوي متعمد ،،،،،،. انت وش اللي دراك ان هوساوي متعمد وحتى لوكان متعمد ماكان قصده انه مثلا يخسر الهلال اواو او الخ ، انت ماشفت المهاجم كيف جالس عليه والله مادري وش اقول اكثر ،.
لكن الله يكتب للهلال اللي فيه الخير وهوساوي فديته وفديت معاه الهلال
والله ما خلاني اكتب غير حبي للهلال وهوساوي.
واعذروني ان كنت اخطات بحق احد او اي شيء آخر واتقبل النقد بما انها مشاركتي الاولى
وجزاكم الله كل خير
واشكر القائمين على هالمنتدى .
صديقكم في حب الهلال: عيسى الحربي