تبين اظافرج طبيعيه وتكون بيضه !!! هذا الحل حياكم ...

السلام عليكم جميعا ..

من قبل فتره احس انه اظافري يميلون للون البياض الفاتح و بسرعه يتكسرون بشكل مو طبيعي كان يضايقني هالشي وايد قبل شهر دخلت الانترنت و قعدت ادور خلطات وكريمات او حتى مغذيات تخليني احافظ على اظافري و صج لقيت و جربتهم و حسيت بالتغير وقلت ما احرمكم من الافاده ...

اول شي " الليمون " عنصر وايد وايد زين لتجميل الأظافر وتخليها طبيعية تجيبين ليمونه قصيها بالنص واخذي النص الاول و فركي اظافرج فيها وغسلي بماء دافي .


ثاني شي حطي باديه فيها عصير الليمون طبيعي و الماء ونقعي أظافرج فيه لمدة من 10-5 دقائق, وغسليها بالماي و عقبها حطي كريم .

واهم شي حطي كريمات بايدج كل ما حسيتي ايدج نشفت حطي كريم لانه الليمون يسبب جفاف للبشره .( اغلب صديقاتي عطوني هالمعلومه ) عشان اظافرج تكون ناعه و رطبه ولامعه .

ثالث شي حطي مسحوق الخميرة في الماء الدافئ , وهذي سويها مرة واحدة بالاسبوع كافي.

رابع شي معجون الأسنان حطي معجون اسنان ابيض على اظافرج , لمدة 6-8 دقايق و بعدين غسليه بالماء الدافئ.

خامس شي .. فركي أظافرج بالليمون والملح لتبييض الأظافر راح يخلي اظافرج لامعة .

اتمنى اني فدتكم بشي وان شاء الله يعجبكم مثل ما عجبني و فادني ..