فتح وبقق عيونك وشوف انا وش كتبت يلي تقول حدد اتجاهك

يا لحبيب انا ماعندي شي بس في عهد طفرة الاسهم الغابر راحت دراهمي مع احد الهومير و المؤمن لايلدغ من جحر مرتين انا اشتري الحين في بعض الاسهم الي لها ثقل في السوق وشركات قويه وعندها ارباح ولو خشيت مضاربه في بعض الشركات الخسرانه ضارب فيها وطلع من يومك ولايقفل السق الا وانت في شركة معروفة بقوتها وثقلها في السوق وطيبه والشركات الي حذرت منها ياخي مدراها طلعوا على الشاشات وقالوا خسرانه وانا حذرت لان كل واحد يعرف ان الشركة الي قلتها ماهي على ارض الواقع ولا لها اي انتاج وما ودي انك تسمع بكره انها توقفت وانت حاط ادريهماتك فيها وبعدين طش كلامي الي قلته انا والله حرص على بعض الطيبين الي يخشون في بعض الشركات ولاهم دارين عن حقائقها وقصدي حتى لوينزل السوق ولا تقفل شركة اقل شي تكون دريهماتك في شركة جيده لومغير تأخذ ارباح اتمنى انك فهمت قصدي بعدين اترك كلامي تراني مستجد في السوق ولاني مهتم منه والاهم من هذا وذاك ابحث عن الاسهم الحلال و\ات العوائد والارباح وانا احذر لان سوقنا مافيه صانع حقيقي يتحكم بالسوق ويحافظ على استثمارات الناس وكل الي عندنا شلة من اول لعبوا في السوق والحين رجعوا والف تحيه للجميع