الزوري مرشدي استمروا.....هوساوي معذور...... سالم والبيشي..! الفريدي مافهمنا لك.... ....الكوري وينك ؟ التشكيله الانسب

السلام عليكم

اغلب الجماهير غاضبه من نتجية مباراة اليوم
وانا منهم بــــس الواحد يقدر الظروف الي حصلت للفريق الهلالي
انا راح اتكلم عن المباراة وعن لاعبين
والموضوع باين من عنوانه
××××××××
كلكم شفتوا مستوى المرشدي والزوري اليوم والله انهم ابطآآآل
وماقصروا واخص بالذات الزوري ساند الدفاع والهجوم
وترك البرود والشرود داخل المباراة
اليوم شفنا زوري غيير بكل صراحه
المرشدي مع تراجع مستواه خلال الموسمين الماضيين
الا انه دائما في الاوقات الصعبه يكون في الموعد وفيه اكثر من مثال ويستحق منا الشكر هو وعبدالله الزوري

اما هوساوي اشوف اغلب الجماهير غاضبه عليه
طيب بسأل ولو تفكر بكل عقلانيه هوساوي
لو كنت مكانه انت راح تصدها بيدك لاشعوريا
تشوف الكوره تمر من جنبك والقده فاضيه اكيييد راح تصدها بيدك لاشعوريا من الحماس او الخوف او التوتر
وهوساوي يبقى كبير وشايل الدفاع
واتمنى مانظغط عليه

اليوم اكثر شئ اثار استغرابي
هو مستوى سالم الدوسري والبيشي بالذات
البيشي اليوم ماهو مستواه الي نعرف عنه اتمنى انه مايكون فقاعة صابون كم لاعب برز وبسرعه تامه يختفي اتمنى يابيشي انك ماتلتفت للأعلام والله كلامهم اغلبه يضر وماينفع
لايخدرونك واحجز خانتك والجماهير متفائله فييك
اما سالم فاسمحولي فمن وجهة نظري انه تخدر اعلاميا
مستواه اليوم عليه الف علامة استفهام
اتمنى منه انه يراجع نفسه ولايتأثر بكلام الاعلام مثله مثل البيشي

اما الفريدي بصراحه مع حبي لك مافهمنا لك
يوم تكووووون في الفورمه ويوم نص ونص ويوم كأنك مش موجود
اليوم بوجهة نظري كنت مأدي أدا حلو لكن ماخربه
الا الانانيه
اتمنى يالفريدي تجدد للهلال وتلعب في اعلى مستوياتك
وتبعد البرود والانانيه وتحجز خانتك

الكوري هذآآ سالفه ثانيه:s5s:
ودي افهم وش يحس فيه اذا جته الكوره:d
يضيع هجمات بالهبال اليوم لو كان المهاجم يوسف العربي
اتوقع اقل شئ تنتهي 3-1 للهلال
والله ياجماعه الكوري مابه ميزه ابد
ماغير يركض على غير فايده مثله مثل احمدعلي الله يذكره بالخير كلهم يركضون ولاينتجون شئ مع اني
أفضل احمد علي على الكوري لأن احمد علي على الاقل يستغل الفرص
على العموم الي حبيت اوصله ان الكوري لامهاره ولا استغلال الفرص ولاشئ ايجابي
اتمنى من المباراة الجايه يكون العربي اساسي
والكوري يتم استبداله بمدافع اسيوي ويكون على اعلى مستوى
وبصراحه الكووري وينك ووين الكوره عنك

التشكيله الانسب للمباراة الاسيويه القادمه هي :
شرحيلي
الزوري الغنام المرشدي البيشي

هرماش
العابد الشلهوب
سالم الدوسري ويلي هامسون
العربي

اعتقد هذي افضل تشكيله
واتمنى التعاقد مع حسن معاذ

بالتوفيق للزعيم

أإخوكم: هلالي مضيع