المقادير
ستيك لحم بقر طازج
زيت زيتون
اوريغانو
ريحان
خل بلسميك
زبدة
بصل
ثوم
فطر
طحين
ملح
كريمة
جبن مبشور
معجون طماط
خردل ( مستردة)
خضروات مسلوقه
بطاط
الطريقة
(طريقة عمل الستيك)
اول شي لازم نتبل الستيك قبلها بيوم
طريقة تتبيلة الستيك ناخذ الستيك الطازج ونحط عليه نص ملعقة اريغانو
وريحان وشوي زيت زيتون وشوي رشة ملح
وبعدها نحط الجهة اللي تبلناها على الجهة الثانية عشان نتاكد انه تبلناهم كلهم من كل صوب
وبعد ذلك ناخذ المطرقة ونطرق فيها الستيك بطرقات خفيفة حتى تتلين اطرافة وحتى نتاكد انه الاعشاب دخلت داخل قطعة الستيك
ناخذ جيس نايلون ونحط فيه قطعة الستيك ونصب عليه شوي من خل بلسميك لانه راح يعطيه طعم حلو وشوي فيه حموضة
وبعدها نضع كل القطع اللي صبينا عليهم خل البلسميك بالجيس ونصب مرة قليل من الخل داخل
الجيس ونغلقة ونضعة بالثلاجة ليوم حتى يتشرب الستيك الخل
نضع ملعقتين كبار زيت زيتون و قليل من الزبدة ونسخنه لما يصير حااار وتذوب الزبدة
بعدها نضع الستيك ونقلبه كل دقيقتين ونعلي شوي عالنار الى 4 او 5 دقايق ونشيلة من المقلة
حت ما تصير اطرافه يابسة
واحنا نطبخة راح نشوف يبدي يطلع من الستيك صوص لونه بني مثل اللي بالصورة
واهني بعد ما طلع الصوص وصار لونه بني فاتح استوى الستيك واول ما يستوي نرش عليه قليل من الجبن المبشور لانه يكون حار فراح يذوب عليه
( طريقة عمل صلصة المشروم )
بنفس المقله اللي سوينه فيها الستيك اللي اهو الصوص نضع قليييل من
البصل المفروم وقلييل من الثوم الى ان يتشربهم الصوص
نضع المشروم الى ان ياخذ لون الصلصة ونضيف قلييل من معجون طمام
بعد ذلك نضيف قليل من الريحان وملعقة كبيرة طحين
وبعدها نضع كوب ماء وكوب كريمة المراعي
و قليل من الجبن المبشور واخر شي شي نضيف ملعقين كبار مستردة
وبعد ما خلصنا من الصلصة نصب صلصة المشروم كلها فوق الستيك او نقدر نضع الصلصة
على جنب والستيك بروحه
اخر شي نسلق الخضروات بالماء
ويقدم الستيك بالصلصة مع البطاط والخضروات المسلوقة
بالعافية :eh_s(7):
