$ حمسة فول مع علوب فلفل $$

صبحكم الله بالخير

هالطبق سويته حق الريوق يوم الجمعة
وما شاء الله بسرعه خلص
:ggdw:حتي اليهال حبووووووووووه :ggdw:


http://up2.q8yat.com/uploads/images/...683224ba59.jpg




المقادير :

علبه فول انا استخدمت ( قها ) شخباري حده قديم بس لذيذ
عصير ليمونة
بصلة مفرومة
علوب فلفل حار ( اخضر او احمر انا حطيت اصفر )
ملعقة صغيرة كمون ناعم
كزبرة او بقدونس مفروم ( شوية ) حسب الرغبة تزيدين او
تنقصين

رشة كركم
2 طماطة مقطعة صغير
زيت ذرة

زيت زيتون للتقديم :eh_s(22):


الطريقة :

- حطي البصل بمقلاه على النار وحمسيه لما يحمر ( رشي شوية ماي عشان ياخذ من لون الجدر )

- صبي عليهم شوية زيت ذرة وحمسي البصل وضيفي الخضار المفرومة سوءا كانت كزبرة او بقدونس على راحتك

- ضعي عليهم الطماط والكركم وهرسيه بالملعقة الخشب لما يذوب

- تخلصي من نص الماي الموجود في علبة الفول وفرغي الباقي مع الفول على البصل والطماط
وقلبيهم وانتي تهرسينه عدل لما يذوب او اذا تبينه نص ونص

- حطي الكمون وعصير الليمون وشوية ملح وفوقهم علب الفلفل الحار وخليه على نار هادية يطبخ 5-10 دقايق

- عند التقديم صبي عليه شوية زيت زيتون وزينيه بالبقدونس المفروم حسب الرغبة .

- مع الخبز الايراني وقلاص الشاااااااااااااااااااااا اي

:eh_s(22):وصج صج ان خلص الفول انا مش مسئول :eh_s(22):

لذيذ والكمون يخليه يخفف حيل من تفخة البطن من الغازات


وعلينا وعليكم بالعافية