شعري والكيراتين والمعاناة!!!!
بنات انا مسوية من فترة كم سنة ماذكر كم بالظبط اليوكو اول ما نزل وكان حلو علي شعري و
الحمدلله ماكان في تساقط ...بس بعدين طلع شي يديد اللي اهوه الميلك شيك سويته عند لاليك
اول شهرين كان روعه وشحلااااااته وعلي الشهر الثالث اكتشفت الكارثه!!!!!!!!!!!!
شعري من تحت محروق! وطايح!!! ومنتف !! ومو انا اللي اكتشفت بعد تخيلوا! كنت اغسل شعري
بصالون ومسكينه اللي تغسل لي قالت لي ليش شعرج جذي طايح من عرجه ومحترق انتي شنو
مسويه فيه! المهم ريحت شعري فتره وحاولت اهتم فيه بالزيت وغيره عل وعسي يرجع مثل اول
بس ماكو فايده :( واخر كيراتين سويته وحده يتني البيت شهر 7 اللي طاف اب 2011 والحين
شعري لا لون ولا شكل ....تساقط غير طبيعي وصايره الجذور كيرلي ومن تحت ستريت !
ابي كيراتين بس يكون بمكان راقي ومعروف وسمعته زينه...واهم شي انه يكون خفيف مو بدرجه
قوية تحرق الشعر!! ابي الكيراتين اللي يكون علاجي.....يارب اللي تساعدني ربي يحقق لها كل
اللي ابالها ويريح بالها ....
اسفه طولت عليكم بس حبيت انكم تعرفون معااناتي لاني صج تعبت
