الشحاذين (النصابين )وش يحسون فيه

السلام عليكم ورحمه الله وبركاته

بقولكم قصه صارت معي حقيقيه 100%

مره من المرات جاتني شحاذه أجنبيه تطلب صدقه عطيتها المقسوم وقلت لها دليني بيتك

قالت خلاص هاتي رقمك واول مايصير عندي تلفون بوصفلك بيتي وتجين تشوفين بعينك

المهم مرتقريبآشهر واتصلت ومن ضمن كلامها تقولي مابي اكل وملابس ابي فلوس

قلت لها خير ان شاءالله ووصفتلي بيتها ورحت مع اخوي

ودخلت بصراحه كسرة خاطري من كثر الفقر الي عايشه فيه

البيت شبه فاضي مافيه الا فرش للنوم وكم صحن وقدر واحد متاكل وقديييم

المهم والبيت شكله حالته حاله

صرت كل فتره ارسل لها ناس يعطونها الي تحتاجه

وف مره رحت بالصدفه وبعد ماانلطعت ساعه عند الباب فتحت

وكانت مرتبكه قلت يمكن تعبانه

المهم كنت اشوف غرفه قريبه من المطبخ حنا نسميها مقلط كانت مقفوله وسألتها

وش هالغرفه قالت زوجي نايم ومريض ماقدر ادخل عليه صدقتها

وراحت تحط الاغراض بالمطبخ ولحقتها قلت بساعدها بس هي ماتدري اني وراها

وفتحت باب الغرفه مدري لقافه مني او لاني شكيت بالموضوع

واكتشفت شي صكني راسي منه وربي شي مايتوقعه احد

أثرها مخبيه كل اغراض واثاث بيتها بالغرفه تخيلو حتى الفرن والثلاجه

معقوله في ناس كذا اعوووووووووووووووووذبالله للدرجه هذي نفسهم دنيه الله لايبلانا


المهم ماقلت لها شي وسويت نفسي مادريت

طلعت وانا متضايقه من الموقف قالت وين الفلوس قلت اعتذر ماجبت معي غير مونه (اكل ومعلبات

وطلعت من بيتها وانا مدري ادعي عليها ولا على غبائي



هذي قصه من القصص

الله يهدي الجميع