شفيها الناس تغيرت

مرحبا خواتي ... شلونكم ؟ اتمنى انكم كلكم تكونون بصحة وعافية ان شاءالله
صراحة هذا اول موضوع اطرحه اهني بالمنتدى وحبيت اشوف آراءكم لان الموضوع حده نرفزني :rgewrg:
السالفة وما فيها ان الاسبوع اللي طاف كان عندنا عزا واحد من اهلنا (الله يرحمه ويغفر له ) وانا كنت حاضرة ايام العزا كلها ف لفت نظري لبس الحريم صج ان الاغلبية لابسين عبي بس الله يهديهم احس انهم يعوضون بالجناط والشوز والملافع صراحة حدث ولا حرج اللي جنطتها بيضا واللي حمرا واللي صفرا واللي ملفعها متروس زري والا ستراس معقولة ماعندهم شي اسود ..بني.. مستحيل .. يعني انتي جاية تأدين واجب عزا والناس محزنين احس عيب الوحدة تدش جذي ع الاقل احترمي اهل المتوفي .. وهذا كلة كوم وصبغ الاظافر كوم ثاني خصوصا مع الوان الهبات اللي الحين .. اذا ماودج تمسحينه لبسي دس انتي كلها ربع ساعة وطالعة يعني مايضرج اذا فكرتي تراعين مشاعر الناس اللي انتي رايحة توجبينهم ... واتمنى ان كلامي مايزعل احد.. شي حرني وحبيت تشاركوني فيه .