اللي تبي تسوي خير تدخل هني

السلام عليكم ورحمه الله وبركاته
خواتي العزيزات والله مو عارفه وين انزل الموضوع
بس يمكن هني مكانه احسن شي
المهم خواتي مثل ماتعرفون شقاعد يصير بااهلنا في سوريا وشكثر ناس استشهدوا وشكثر عوايل انذبحوا بمجازر عائليه وشكثر ناس اتهجرت وتشردوا
حسبي الله ونعم الوكيل في بشار
المهم خواتي الله يشهد ان كل كلمه ابي اكتبها صحيحه وربنا شاهد على كل حرف قاعده اكتبه
طبعا الجميع ماقصر بالتبرعات والدعاء ووقفوا مع اهلنا بسوريا بااي طريقه كانت
والكل يعرف ان كل هالتبرعات قاعده تروح على الاجئين السوريين اللي بالاردن وتركيا وللبنان
واهلنا في سوريا مو قاعد يوصلهم اي شي للعلم اللي بداخل سوريا هم اشد حاجة من اللي بالخارج
رح ادش بالموضوع
طبعا تعرفون شصار في حمص وخاصه بابا عمرو
والله العظيم اني اعرف 7 عوايل من اللي ربنا كتب لهم عمر بعد ماانقصفت بيوتهم وتهدمت كلها على روسهم وفي منهم ايتام ومنهم عوايل شهداء ومصابين
قدروا بقدره الله انهم يطلعون من بابا عمرو من يومين على الشام لان خروجهم من حمص كانت بالنسبه لهم ولاده جديده لانهم مهددين بالذبح بااي دقيقه لانهم يحملون بطاقه بابا عمرو!!
اللي ابي اوصله بنات هالوايل ال 7 الحين كلهم بالشام بقريه بالشام والله العظيم ماعندهم لا ملابس ولا اكل ولافلوس الله يعلم بحالهم
اللي تعرف رقم لجنه تقدر تساعدهم تكفوون لاتبخلون علي واللي تقدر تتبرع لهم بااي شي ملابس اكل بطانيات لاتقصر والله العظيم هذا كله حسنات بميزانها بيوم الحساب
واللي تبي رقمهم بسوريا تبشر والله لعطيها رقمهم وتتاكد بنفسها وتكلمهم وتسأل عن احوالهم واللي تبي تتبرع بااكل او بطانيات او ملابس او اي شي تعلمني وانا الله يشهد رح اوصلهم لهم للمكان اللي هم موجودين فيه
( واكيد كلكم قاعد تتسألون شلون عرفت بالعوايل هذي)
بنات هم اهلي وجيرانا وانا لو اقدر اساعدهم بروحي والله العظيم ماقلت لكم بس الله يعلم بحالي وحالهم وصج قلبي مسكور لاني كتبت هالموضوع ولاني ابي اجمع حق اهلي وجيرانا بس سبحان الله دوم الحال من المحال والحمد الله على كل حال
بنات امانه اللي تقدر لاتقصر وتعتبرها صدقه عنها وعن بيتها وعيالها واهلها
ملاحظه(ترى ممنوع من الكويت انه يطلع اي شي برات الكويت من التموين يعني اي شي من التموين رح يردونه ومارح يستفيدون منه )
ومشكووورين كلكم وجزاكم الله كل خير