النصراويين بيروزيين يوم الاربعاء.

يا فتاح يا عليم يا رزاق يا كريم...اكيد كلكم تنتظرون يوم الاربعاء علشان تشوفون فريقكم الازرق كيف بيكون حاله مع هذي البطوله البلشه اللي كان الهلال يحسمهما قبل بدايتها ولكن على قولهم دوام الحال من المحال :cry:...لكن بأذن اللي ماتنام عينه ان الهلال المره هذي ناوي عليها وبقوه والله اشوف الاصرار في عيون شبابنا الجدد وبالذات خط الوسط الناري بس ياليت الدفاع والهجوم يصحصحون معهم شويه ،،كل الجماهير يعرفون ان الهلال طوال تاريخه سر بطولاته بعد توفيق الله امتلاك الهلال نجوم مهاريين في منتصف الملعب وكلكم تذكرون الثنيان و نواف التمياط والتيماوي وفيصل ابو أثنين...الخ وهم من كانوا يحرقون الملعب وقت ماكان الهلال يجيب الآسويه....واليوم عندنا الدواسره عزوز وسالم والعابد والفريدي والقرني ومعهم المغربي هرماش يعني ما شآء الله عليهم شباب نار يا حبيبي نار اهم شيء الجمهور يشجعهم كل المباراه بدون صافرات استهجان بالذات على الفريدي لان الرجال هذا من يسمع الجمهور ضده يثلج اكثر اما اذا كان رايق والله ابن أمه يوقف قدامه.


بالمناسبه سمعت ان الحبايب جمهور الاصفر ناوين يشجعون بيروزي من المدرجات !!!والله أتمنى يحضرن علشان ان شخصيا اتفآئل بهزيمة الفريق اللي يشجعونه ودايم ياكلون على روسهم:s5s:..

ياشباب الرياض مالكم عذر الملز وسط الرياض والاربعاء بداية اجازة اسبوع يعني نبي الملعب فل فل فل وفالكم البطوله s13s