بسبوسه...اممممم يويلكم منها ويلاه

واااااي فديتها هالبسبوسه تهبل لازم كل عصر اكلها مع قهوتي ياويلي منها ويلاه بيضير فيني سكري
بسبوستي العجيبه السهله اللذيذه(حشى موبسبوسه على هالكلام ...صرت شاعره لوووول

المهم يابنات الحلو بهالبسبوسه انها اسهل من السهوله نفسها وانها بعد بدون بيض خبركم الحين ازمة كراتين البيض هعهع هع

المقادير كوب من كلاً من
(سميد ناعم. جوز الهند. سكر. حليب باودر. )
قفشة بيكنغ باودر
قوطي قيمر نستله
بمقدار القوطي حق القيمر نحط ماي
ونص علبة القيمر زيت

تخلطونها بمضرب اليد يعني لاخلاط ولا كهربا وعباله
بس تتجانس مع بعض تحطونها بصينيه مدهونه وعالفرن فوق وتحت ولماتخلص تصبون الشيره من تطلع بس ماتقصونها لمن تبرد عشان ماتتفتت


جربوها وعطوني رايكم وبألف عافيه على قلوبكم