خلصنا من مشكله ! تطلع لنا مشكله اكبر من اللي قبل (برامج الايفون)

السلام عليكم ..


شلونكم خواتي :eh_s(7)::eh_s(7)::eh_s(7):

عندي مشكله وياريت تلقون لي حل تساعدوني فيه !



حبايبي انا تزوجت من واحد كبير اكبر مني بوايد ! وانا اخترته من بد الرياييل لان وجهة نظري الغبيه انا اذا خذيت كبير راح يكون شبعان من الدنيا ومن الخرابيط ! وفوق هذا رفيجاتي ماشالله ما قصرو بقصص خيانة ازواجهم ! وكانو ازواجهم اعمارهم بالعشرينات !فقلت خل اخذ واحد كبير معنى تقدمو لي وااايد ناس احسن منه ! بس مثل ما تقولن غاية في نفس يعقوب ! وانا كنت مصممه على رايي (الغبي) !!

الحمدلله اني بنت تربيت عالنظافه والدلال نظيييييييييفه مهتمه بفسي من داخل ومن بره والكل يقولي انتي كشيخه وذربه وفي علامات جمال بويهي ! وحلوووه وطول وجسم والكل يقولي رقبتي (عنقه) وجعدة العايله مو قاصرني شي ! طيبه قلبي ابيض وما احب المشاكل !

بنات انا تزوجت وطاح الفاس بالراس الريال بالبدايه قلت مافيه منه اثنين وطيب وخلوق واسلوب راقي حته اخواني وابوي يحبونه ! كان مدللني يحبني ما يرضى يزعلني مو مقصر معاي بشي !
وصلنا لمرحلة اكتشفت ان الام والخوات حاقدين علي ! ليش انا نفسكم ما ادري ! واهو من قبل كله يقولي خواتي قشرات ولسان و و و ! وعارفهم وما يبيني احت فيهم !بنا شقولكم سب سبوني اهانه هانوني تشيش وشيشو ريلي ! حته امي راحو سبوها ! وسوني سحاره !ورابطه زوجي:krkrkr:
مادري ليش اهم جذي يغارون على ازواجهم مني ليش سولفت معاها ! ليش سلمت ! لهدرجه والله بنات ! طبعا العايله حطيت عليهم اكس ! لان الكتاب واضح من عنوانه !بنات وصلت فيني قمت احلم واايد ودقات قلبي اطق حيل راجعت دكتور قلب قال نفسيا ونصح زوجي ان ما يقولون لي خبر مو زين او شين و لا لحد يتمشكل معاها قمت اخذ حبوب ! الام تقول حق ولدها انت شنو مره كل قاعد بالبيت عندها ! وعلى بناتها تزف ريايلهم طلعو بناتي يعني اهم حلال عليهم انا حرام ! من يومها كثرة الدق يفج اللحام ! ريلي تغير علي 180%

الحين يا بنات مو مهم اهله بالطقاق !
ريلي من بعد المشاكل وكلام اهله والظغط تغير :eh_s(2)::eh_s(2):

-طحت على صور بنات كللللش فاااااضحه و وصخه كل وحده مصوره جسمها وادز له ! مادري شلون وصلو عنده ! لقيتهم بميموري ! ونكر وقال هذا قبل وما تحاسبيني على قبل ! وطقني يومها وسبب لي جرح 3 غرز وكان يطالع افلام خلاعيه ولمن واجهته طقني بع دوفوق هذا وحده معاه بالدوام مسوي عيد ميلادها ودريت لان دزت رساله تشكره وانصدمت ! كلهم قلب السالفه ضدي بس تالي تأسف وندم وتاب !


تحملت وصبرت وسكت بعدها بسنه تقريبا ! شوي تغير ورد صار زين
وردت امورنا طيبه



الحين حملت ..وتوني اول الاشهر ..
وحيل مستانسه يا بنات.. بس
ريلي همن تغير ! يعني مو قاعد يجامعني كلللللللللللش وانا جم مره حاولت اتقرب منه يقول انا تعبان ويقط نغزات انحجرت ! وقمت ما اقرب له
يروح دوامه كلللش ما يدق علي ! ولا يسأل عني ولا يحاتيني !
حاط على جهازه قفل !واكتشفت ان عنده برنامج (سكوت-هوز هير- بالرينقو) وبرامج جات وايد بس مو مشهوره ! شلون عرفت من هستوري الايتونز !:eh_s(2):
انصدمت ليش جذي يسوي ؟؟؟ وكله ماله خلق يقعد معاي !
انزين بنات انا بروحي حامل وصرت حساسه ومع هذا اشوف الغلط وما اتكلم ولا اعاتبه !
مابيه اتهاوش معاه !مالي خلق مشاكل !ما قام يذكرني بولا شي ولا يعطيني مصرف ولا يحاتيني نفس اول :eh_s(2):تعبت منه بروحه اهله ماقصرو


الحين انا لاعت جبدي !
لا يعطيني حقي بالفراش !
ومنزل برامج تافهه !
شماله متزوجني ؟؟؟؟؟

الحين خلاص ستووووووووووووووووووووووو ووووووب مو قادره اسكت:rgewrg:
ابي اواجهه !!
ابي انفجر بويهه ابي اطلع كل اللي بقلبي !
عندي اعيش عند اهلي وايد ابرك منه ومن اهله المعقدين !
تعبت ومرضت من وراه ! وحته خياط تخيطت من وراه ! على شنو ؟؟؟
انا اعطيخ وما يعطيني !! ليش ؟؟؟ مو حرام !!
بالذمه الله يرضى ؟؟؟ صاير ثقيل دم وزعول مليت وانا اراضيه بس تعبت !
كيفه ما يشوف شر اعيش مع اهلي ومع البيبي اللي بالطريج انشالله
ولا عيشته الخايسه اللي بتعقدني انا والبيبي !:rgewrg:

لو انا اسوي شي واحد من اللي سواه ! اتوقعون يرضى ؟ بيسكت ؟؟ بيصبر ؟؟؟
والله اذ ما طلقني ما اعرف شي !


الحين بنات قولو لي شسوي ؟؟؟؟
اواجهه بالبرامج ؟؟؟؟؟ المصيبه بنات زباله حشاكم فيه وسوالف النوم بكرت وبفلوس وصور بنات الله يستر علينا يعني برامج واااااااااااااااااااااااا ااااطيه ! من عذر ليش حاط قفل والتلفون 24 ساعه بيده !

شنو الحل بنات ؟ شتنصحوني ؟ زهقت بنات حته ما اطلع ولا يطلعني
عايشه مع جماد شقوله قاهرني !

تكفون اللي صارلها نفس مشكلتي تقولي شلون قالت حق ريلها ! وادعو لنا بنات:yaaaaaarb: