تكفون ساعدوني انا وحيده

السلام عليكم ورحمة الله وبركاته

والله العظيم مالي بعد الله الا انتم تكفون ياخواتي ضروري نصايحكم انا منخطبه بس كلام من زمان من رفيج اخوي وفجأه دقوا اهله قالوا بيجون باجر يشوفوني وانا مااعرفهم ولاشفتهم ولا الرجال شافني بس انا وحيدة امي ومااعرف شنو البس او اسوي وانا اللي راح اقدم لهم القهوه والحلو ماعندي احد وحريم اخواني وبنات عمي وخالي مو علي قلبي وانا مابي السالفه تنتشر لانه كل مايصير نصيب ويعرفون مايصير فانا مابي اعلم احد

تبون تعرفون المطلوب انا ابي شنو البس لانه ملابسي اللي بالكبت كلهم دراريع بيت عادية او بدل عمليه وانا رحت الفروانيه والمعارض ماعجبني شي كله مالوت رمضان مكرر والله حدي متضايقه ماادري شنو البس وابي شنو نوع المكياج البي راح ا حطه وانا ماراح اقط ملفعي لانه حنا بعايلتنا اذا انخطبت الوحده ويبون يشوفونها عادي بملفع

ناطرتكم بردودكم اللي تبرد الجبد تكفووووووون ساعدوني

ابي مكان اقدر اروح الصبح اشتري منه دراعه عالاقل سنعه