السلام عليكم
شكثر ترددت على ما اكتب هالموضوع بس حسيت اني لازم افضفض !!
انا عمري 18 تعبت نفسيا من الدنيا ما ادري احس كل شي تصكر بوجهي
احس مادري فيني هم فيني كبت ابي افضفض يعني مادري لو انجي حق الدراسه
انا كنت من المتفوقات بالمتوسط رحت الثنويه صار مستواي جيد ما احب ادرس جتني عين بالدراسه خصوصا ان بصوب بنات العم والخال مو شطار مابي اقول عين بس يا جماعه كل ما ابطل الكتاب انام ما اقدر اركز وكرهت الدراسه .. وصار مستواي من
مقبول الي جيد يعني الحين انا اخر سنه و ما ضنتي نسبتي بتساعدني ادش الجامعه اصلن ما ادري شنو ابي ما ادري شنو الي
انا احبه او ميولي شنو احس مادري ما اعرف ولا اقدر افهم نفسي !!
نجي صوب الجمال ادري انه جمال الروح اهم من جمال الوجهه!
انا الكل يقولي مملوحه و الحمدلله
انا الحين كل ما اروح عرس او استقبال العيون كلها علي
يقولون انا جذابه و كذا مره يخطبوني
بس اكيد امي تضحك وتقول تو الناس هذا كله ما عطاني ثقه بنفسي
احس انا مو جميله جميله!!
يعني انا مو بيضه انا لوني قمحي هههه مادري شنو قمحي بس لون القمح
وعندي قمازتين وخشمي سلت سيف بس نازل لي تحت و صغير
وعيوني مسحوبه مو كبيره حيل بس وجهي مو
دائري استغفر الله ماعندي خدود مو طوالي يعني مادري شلون صاير
شعري كستنائي قامج بس مو ناعم يعني بالاستشوار يصير ناعم
المهم كل هذا وانا مو مقتعه بنفسي !!
بتقولون انتي مو واثقه من نفسج شلون مو واثقه و
انا بالمدرسه متحدثه وكله اشترك ندوات ومحاضرات و
مادري احس انا كلش مو خجوله وهذا شي مو زين
لابد البنت تكون شويه حيويه وخجوله انا لا
احس ما اخاف من احد و واثقه من نفسي
بس ياربي ماعندي قناعه !!!!!!!!!!!
اي اعتقد انا ابي اصير كامله !!! وادري هذا اكبر غلط ماكو احد كامل غير الله سبحانه
اللهم اغفرلي بس مادري شسوي ابي يصير عندي خدود انا ضعيفه ما احب الاكل
اكل شويه واشبع كلن بقلبه شقا ليلاه شنسوي بعد :eh_s(11):!!
يقوولوون انا شايفه نفسي ومتكبره استغفر الله الكبر لله انا مو مغروره
بس نوعي ما احب اخذ و اعطي مع احد يعني ما احب اعطي وجهه حق اي احد
و مو اي احد يصير رفيجتي لاني خذيت درس بالحياه وتعلمت منه الحمدلله يعني
صوووتي حلو لما اغني بس هم موعاجبني صوتي لما اتكلم عادي ابي اصير دلوعه ما اقدر هههه ابي اقول حرف الررررر بدلع يعني اقدر بس مالي خلق:p
ما ادري احس الدلع يزيد جمال المرأه
اي جسمي ترا مو ذاك الزود استغفر الله يعني
انا مو وايد ضعيفه بس هم جسمي مو جسم بنت
بدش الجامعه ماعندي زنود ولا فخوذ احس ويع استغفر الله
وانا مو طوييله ولا قصيره
ياربي سامحني على هالكلام ادري اهم شي بالدنيا الصحه والعافيه والحمدلله اني اشوف واتكلم ومافيني عيب بس الانسان طماع صج لا قالو مايترس عينه الا الرمل
بس ياربي والله الحمدلله والشكر الف الحمدلله والشكر على هالنعم مابي اكون جاحده الحمدلله على كل شي
بس بعد تعرفون البنت تدور الزين وانا بسن زواج
يعني ابي امتن شوي شوي بس ابي اطول شوي
شوي بس ابي يصير عندي خدود ابي السواد تحت عيني يروح
ابي نبره صوتي تكون فيها بحه ودلع
لازم اتعود من الاحين على الاقل مادري قولولي اي شي يساعدني اي كلمه!!
كله اشوف نفسي بالمنظره واشوف شكلي واشوف جسمي
واقول ابي ابي ابي ابي
ابي امتن
ابي اصير بيضه
ابي شعري يصير كثيف وطويل
ابي حواجبي تثير حلوه بس مابي احف حرام
ابي اكون جميله اجمل من الحين !!
استغفر الله ادري غلط ولازم احمد ربي على العافيه
والصحه بس والله حامده ربي وشاكرته مليون مره
الحمدلله الحمدلله على كل حال وان شاء الله اكون راضيه على نفسي
قولولي اي شي !! رفعوا معنوياتي
تدرون بعد اهلي مايقولون انا جميله وحلوه عشان ما اشوف نفسي
بس يقولون لما يقعدون وانا ما اكون موجوده بس مره سمعتهم
لما جيت جان يسكتون
تدرون بسن المراهققه الوحده تحتاج هالكلمات عشان تزيد ثقتي ومادري يعني
بالنهايه اقول يارب الحمدلله على كل هالنعم نعمه الصحه والعافيه
الي انا فيها والحمدلله الف الحمدلله
يارب لا تغير علينا استغفر الله ياربي واتوب اليه
ناطررررررررررره ردوودكم لا تبخلون علي :eh_s(22):
