₪₪ اسرار علاقه كساندرا بماجد المهندس ₪₪
هااااااي يالشيوون << تمون من اولها
شلوونكم عساكم مصاخين << يالله جعله دوم
<< نذله خخخخخخخخخخخخخخخخخخخخخخ
واذا بخير جعله دقيزه وجزء من الثانيه
بقولكم سالوفتي مع اميمتي وماجد المهندس :blushing: << بوادر الحياء عليها
هذا الله يسلمكم في احد الليلالي ذات النجوم المبرقه بلمعان ذهب لازوردي كنت انا واميمتي
بالحوش متكين نشرب شويهي في بيالات ابو وزه مهوب بيالات السيف بعد وشويه حب مصري
وبعض الاحاديث التي نتبادلها طبعا كل شلخ بشلخ وتسذب وحش بالعالم لا يخلوا مجلس حريم منها
الا مادريت :eek: وتجيني اختي تقول كساندرا مجودتس انا قلت ويشوو مجودتس اثاريها تقول
مجودي يعني (( ماجد المهندس )) على قناة ام بي سي << تسويه دعايه هع هع هع
الا ماتشوفون الا غبرتي وماده رجولي امتار عشان اوصل اشوفه وتناثر الحب والبيالات والقط (( المضير )) واروح اقابل الشاشه تقل كن ماعمري شفت تلفاز << يمديكم على اللغه الفصحى
وتجي اميمتي وتلحقني وتقول وش ذا قل شوفي ذا الاطخم بس ومبقبقين عيونا كلنا
وامي طايرتن جدايلها فوق من هول الزين الي فيه وهو يقول ماجد : هسى نحجي ونحجي
والله يخلي الريس << شفيها طبت بالعراق
احم احم قلبت الموجه المهم الا امي اصفرت من الزين الي بماجد انا هين لا تسالون عني رايحتن بها
وش نسوي متعودين على عيالنا الشهب اللهب ماعمرنا شفنا شي صاحي
وخلص البرنامج واحط رويسي اي رئسي على رجل اميمتي واغفو قليلا يعني نمت مادريت الا ويجيني رفسه من رجل اميمتي طيرت لي كم فلفوله من راسي واقعد انا واميمتي والله لا يوريكم قراوا مسجلين الحلقه وعدناها تقولون علينا اختبار قالت : هذا وينه عايشن فيه قلت مايندرا ياميمتي بس الظاهر بدبي مدري باريس
والافكار تجول براسها وتفكر وتقول والله لو يحصل نزوجتس اياه تسان انحلت مشكلة تحسين النسل << هي ماصدقت خبر الا نقزت
وش تقولين ياميمتي من صدزت ,,, ايه يابنيتي صدزي ونص مشينا بس ماينعاف
وبدينا تخطيط ولقيناها
اقول يابنيتي مدامنه مغير يصور بهالفديو تسليبات ورا ماتصورين معه يمكن ربما افرض مثلا يعني مثلا وهو يصور الفديو تسليب طاح بحبك << الاخت ماصدقت هااااااااو ياميمتي تقولينه صادزه اييه وش ورانا ,,, وبدينا الخطوات بالحجز عشان حطوني من ظمن هالبنيات الي بالفديو تسليبات
طبعا البدايه كانت خلف الكواليس امسح بعدها بدينا شوي شوي لين صورنا مع احمد فتحي فديو كليب لين تطورنا وصلنا لعباس ابراهيم << تحسه اسم بياع خبز تميس مدري ليش
لين وصلنا لراشد يوم صورنا ماش صار كنه دعايه عزيزتي المرئه كيف تكبرين خدودك
وفجئه
وصلنا لمجودي
ولا اخفيكم فقد كان مجودي يشقه الزين شق الله لا يفتنا الا بطاعته فتنه اعوذ بالله
وصورنا اغنيه
وصرت ارتز بكل اغنيه معه يقالك فيه امل يطيح بشباك حبي
: وصرت احجي عراقي
وفجئه جاني ماجد المهندس وقالي كساندرا هسى عندج شوغل لو فاضيه اريد احجي وياج بشي يخصني اني وانتي
انا طرت من الفرحه وقلت الا فاضيه ونص وثلاث اربع ورئصني يائدع احم احم سوري خيت جو على بالي فيفي عبده
ماجد كاني ييت قربت يمك شتريد تحجي قالي اني اني ياكساندرا بخاطري شي واريدج تسمعيني زين وتفميني هاي الحجي الي بقوله يحدد مصيري ومصيرج << اني سمعت هالحجي ياجماعه تدودهت قلت بيقول الجلمه ويقول احبج ياكساندرا ويطخ قلبي بهالجلمه
وفجئه تحركت شفتاه :eek: وقال أ ,,, حــ ,,, وانا طايرتن بوهتي << رجعت للحتسي الاصلي
اني احبـ بوووووووووووووووووووووم وززززززززززززززززز
وش هذا ياجماعه كاس مويه بوجهي
اميمتي :: قومي جعلتس الضربه عورتي رجليني
كساندرا : هااااااااو وش ذا المويه اثاريني احلم
اميمتي :: وش تحلمين يالخبله صجيتينا انتي وهالي بالتلفزيون عدتي المقابله مليون مره لين عورتنا روسنا صكي التلفزيون وطسي اخمدي
ابي ابتسي وش ذا يامن من << دلع اميمتها
تصحيني من حلمي على حزة الكلمه يوم جى يقول احبتس
اقول ياجماعه طولت عليكم الحتسي وشكلي مثل ماقالت من من اروح ارقد وانام اصرف لي
مايستفاد من السالفه والبربره كلها ::
1// مهوب كل بنت شافت مغني تطير بوهتها وتغث عمرها وتهبل بروحها تراه مادرى عنتس ولا عن هوى دارتس
2// لا تقربون من ماجد المهندس لانه بتاعي حقي يعني << ياشين البزران
3// خلي احلامك محدوده لان لو حلمتي وتخيلتي كثير تتعبين نفسيا مثل ماصار فيني وتصيرين تشوفينه حتى لو انتي نايمه
4// انتبهي لا تشوفين هالمزاين بالليل ترا ماترقدين ولا يجيتس نوم تجلسين كل الليل تفكرين وهو تلاقينه جالس موسع صدره
5// اذا كنتي ريحاً فافطني لهدومنا الي على الحبل << مدري وش دخلها بالموضوع بس كيفي موضوعي
وبالنهايه اتمنى عجبتكم وان ماعجبتكم اكتبوا
(م . س ) يعني ماعندك سالفه منعا للاحراج وتفاديا لضيقة الصدر الي بتجيني والتكه
تحيتي
كساندرا
\\
